విచారించుకొనేవారి వివేకాల కొలఁదులు
(॥పల్లవి॥)
విచారించుకొనేవారి వివేకాల కొలఁదులు
పచారించి వున్నవెల్ల భావనమాత్రములు
(॥విచా॥)
జగములన్ని నీశరీరమేకనక
తగు వైకుంఠాలే వుండేతావు లెల్లాను
పొగరు స్వర్గ నరకభూములనే లోకాలెల్ల
పగటున తమలోని భావనమాత్రములు
(॥విచా॥)
అన్ని పదార్థాలు నీయందే పుట్టివచ్చేఁగాన
తిన్నని నీప్రసాదాలే దినభోగాలు
వన్నెల నిష్టానిష్ట వస్తుభేదము లెల్లాను
పన్నుకొన్న యటువంటి భావనమాత్రములు
(॥విచా॥)
అంతరాత్మవు శ్రీవేంకటాధిప నీవేకాన
చెంతల నీ కైంకర్యాలే చేఁతలెల్లాను
వింతలైన సంసార విహారములెల్లాను
బంతినే నానావిధ భావనమాత్రములు
(||pallavi||)
visāriṁchugŏnevāri vivegāla kŏlam̐dulu
pasāriṁchi vunnavĕlla bhāvanamātramulu
(||visā||)
jagamulanni nīśharīrameganaga
tagu vaiguṁṭhāle vuṁḍedāvu lĕllānu
pŏgaru svarga naragabhūmulane logālĕlla
pagaḍuna tamaloni bhāvanamātramulu
(||visā||)
anni padārdhālu nīyaṁde puṭṭivachchem̐gāna
tinnani nīprasādāle dinabhogālu
vannĕla niṣhṭāniṣhṭa vastubhedamu lĕllānu
pannugŏnna yaḍuvaṁṭi bhāvanamātramulu
(||visā||)
aṁtarātmavu śhrīveṁkaḍādhiba nīvegāna
sĕṁtala nī kaiṁkaryāle sem̐talĕllānu
viṁtalaina saṁsāra vihāramulĕllānu
baṁtine nānāvidha bhāvanamātramulu