(॥పల్లవి॥)
విరహంపుఁ గోమలికి వెలయంగఁ గలవెల్ల
అరుదుగాఁ బండి పొల్లయిన ఫలమాయె
(॥విరహ॥)
వేమారుఁ జెలికి నరవిందశయ్యలె పరవ
బాముచెడి యిందునే బడలెఁ గాని
తామెరై డెందమీ తలిరుదేహములోన
లేమకిది గలిగియును లేని ఫలమాయె
(॥విరహ॥)
వెలఁదిమై సురటులనె విసరఁగా లలితాంగి-
నలమి అదియే తాపమయ్యెఁగాని
పెలుచైన నిట్టూర్పు పెనుగాలి లోలోనె
కలిగియును తమవారుగాని ఫలమాయె
(॥విరహ॥)
కాంత కనుదోయి నునుఁగలువలై కలువలనె
అంతకంతకు వగల నలపెఁ గాని
యింతలోఁ దిరువేంకటేశుఁ గూడియుఁ జెలికి
చెంతనే కనుదోయి చెంగలువలాయె
(||pallavi||)
virahaṁpum̐ gomaligi vĕlayaṁgam̐ galavĕlla
arudugām̐ baṁḍi pŏllayina phalamāyĕ
(||viraha||)
vemārum̐ jĕligi naraviṁdaśhayyalĕ parava
bāmusĕḍi yiṁdune baḍalĕm̐ gāni
tāmĕrai ḍĕṁdamī talirudehamulona
lemagidi galigiyunu leni phalamāyĕ
(||viraha||)
vĕlam̐dimai suraḍulanĕ visaram̐gā lalidāṁgi-
nalami adiye tābamayyĕm̐gāni
pĕlusaina niṭṭūrbu pĕnugāli lolonĕ
kaligiyunu tamavārugāni phalamāyĕ
(||viraha||)
kāṁta kanudoyi nunum̐galuvalai kaluvalanĕ
aṁtagaṁtagu vagala nalabĕm̐ gāni
yiṁtalom̐ diruveṁkaḍeśhum̐ gūḍiyum̐ jĕligi
sĕṁtane kanudoyi sĕṁgaluvalāyĕ