విరహమొ సంభోగంబుల వేడుక శృంగారమొ యిది
(॥పల్లవి॥)
విరహమొ సంభోగంబుల వేడుక శృంగారమొ యిది
సరసిజముఖిఁ గని ప్రాణము జల్లనఁ గలఁగెడినే
(॥విర॥)
కుటిలాలకి మైఁబూసిన కుంకుమగంధపు రసములు
చిటిపొటి చెమటలఁ బెనఁగొని చిప్పిలి రాలఁగను
విటరాయని యలరమ్ములు వీఁపున వెడలఁగ నాఁటిన
తొట తొటఁ దొరిగిన నెత్తురుతోఁ దులదూఁగెడినే
(॥విర॥)
మృగలోచన చనుఁగవపై మెత్తిన కమ్మని తావుల
మృగమదమంటినచోట్లు మెఱుఁగులు వారెడిని
చిగురాకున మరుఁడేసిన చిచ్చిరబాణంబులచే
ఎగసిన పొగలై తోఁచీ నేమని చెప్పుదునే
(॥విర॥)
యోగవియోగంబులచే నొనగూడిన యీ చెలియకు
నాగరికంబుల చేఁతలు నటనలు మీరఁగను
శ్రీగురుఁడై చెలువొందిన శ్రీవేంకటగిరి నిలయుని
భోగించిన పరిణామపు పొందులు దెలిపెడినే
(||pallavi||)
virahamŏ saṁbhogaṁbula veḍuga śhṛṁgāramŏ yidi
sarasijamukhim̐ gani prāṇamu jallanam̐ galam̐gĕḍine
(||vira||)
kuḍilālagi maim̐būsina kuṁkumagaṁdhabu rasamulu
siḍibŏḍi sĕmaḍalam̐ bĕnam̐gŏni sippili rālam̐ganu
viḍarāyani yalarammulu vīm̐puna vĕḍalam̐ga nām̐ṭina
tŏḍa tŏḍam̐ dŏrigina nĕtturudom̐ duladūm̐gĕḍine
(||vira||)
mṛgalosana sanum̐gavabai mĕttina kammani tāvula
mṛgamadamaṁṭinasoṭlu mĕṟum̐gulu vārĕḍini
sigurāguna marum̐ḍesina sichchirabāṇaṁbulase
ĕgasina pŏgalai tom̐sī nemani sĕppudune
(||vira||)
yogaviyogaṁbulase nŏnagūḍina yī sĕliyagu
nāgarigaṁbula sem̐talu naḍanalu mīram̐ganu
śhrīgurum̐ḍai sĕluvŏṁdina śhrīveṁkaḍagiri nilayuni
bhogiṁchina pariṇāmabu pŏṁdulu dĕlibĕḍine