(॥పల్లవి॥)
విరహాన నినుఁబాసి వేఁగేను
తరుణి నేను నిన్నుఁ దప్పఁ దోయఁగలనా
(॥విర॥)
మున్ను నీవు రేపల్లెను ముచ్చిలించుకొన్న పాలు-
వెన్నలునారగించి విఱ్ఱవీఁగేవు
సన్నపు నడిమితోడి జవ్వనాన నలయుచు-
నున్నదాన నీతోడ నోపుదునా పెనఁగ
(॥విర॥)
నేరుపునఁ బాలజలనిధిలో నమృతమెల్ల-
నారగించి లావున నన్నప్పళించేవు
బీరమునఁ జిగురాకుఁ బెదవితోఁ గనుచూపు-
గూరిమి నేనుఁ డి నిన్నుఁ గుచ్చి పట్టఁగలనా
(॥విర॥)
గుద్దలించి దనుజుని గోరఁ జెనకిన నిన్ను
అద్దలించి చెనక నీయంతదాననా
గద్దరివి తిరువేంకటగిరివిభుఁడ నీ-
నిద్దపుఁ గస్తూరిమేను నేనాఁగగలనా
(||pallavi||)
virahāna ninum̐bāsi vem̐genu
taruṇi nenu ninnum̐ dappam̐ doyam̐galanā
(||vira||)
munnu nīvu reballĕnu muchchiliṁchugŏnna pālu-
vĕnnalunāragiṁchi viṭravīm̐gevu
sannabu naḍimidoḍi javvanāna nalayusu-
nunnadāna nīdoḍa nobudunā pĕnam̐ga
(||vira||)
nerubunam̐ bālajalanidhilo namṛtamĕlla-
nāragiṁchi lāvuna nannappaḽiṁchevu
bīramunam̐ jigurāgum̐ bĕdavidom̐ ganusūbu-
gūrimi nenum̐ ḍi ninnum̐ guchchi paṭṭam̐galanā
(||vira||)
guddaliṁchi danujuni goram̐ jĕnagina ninnu
addaliṁchi sĕnaga nīyaṁtadānanā
gaddarivi tiruveṁkaḍagirivibhum̐ḍa nī-
niddabum̐ gastūrimenu nenām̐gagalanā