(॥పల్లవి॥)
వినుఁ డిదె రఘుపతి విజయములు
పనుపడి రాక్షసబాధ లుడిగెను
(॥విను॥)
కులగిరు లదరెను కుంభిని వడఁకెను
యిల రాముఁడు రథమెక్కినను
కలఁగె వారిధులు కంపించె జగములు
బలు విలునమ్ములు వట్టినను
(॥విను॥)
పిడుగులు దొరిగెను పెనుగాలి విసరె
తొడిఁబడి బాణము దొడిగినను
ముడివడె దిక్కులు మొగ్గె దిగ్గజములు
యెడపక రావణు నేసినను
(॥విను॥)
చుక్కలు డుల్లెను స్రుక్కె భూతములు
తొక్కి యసుర తల దుంచినను
గక్కన శ్రీ వేంకటగిరి నిలువఁగ
అక్కజమగు శుభ మందరి కొదవె
(||pallavi||)
vinum̐ ḍidĕ raghubadi vijayamulu
panubaḍi rākṣhasabādha luḍigĕnu
(||vinu||)
kulagiru ladarĕnu kuṁbhini vaḍam̐kĕnu
yila rāmum̐ḍu rathamĕkkinanu
kalam̐gĕ vāridhulu kaṁpiṁchĕ jagamulu
balu vilunammulu vaṭṭinanu
(||vinu||)
piḍugulu dŏrigĕnu pĕnugāli visarĕ
tŏḍim̐baḍi bāṇamu dŏḍiginanu
muḍivaḍĕ dikkulu mŏggĕ diggajamulu
yĕḍabaga rāvaṇu nesinanu
(||vinu||)
sukkalu ḍullĕnu srukkĕ bhūdamulu
tŏkki yasura tala duṁchinanu
gakkana śhrī veṁkaḍagiri niluvam̐ga
akkajamagu śhubha maṁdari kŏdavĕ