విన్నవించనేమున్నది వేగినంతాను
(॥పల్లవి॥)
విన్నవించనేమున్నది వేగినంతాను
యిన్నిటా నీసొమ్ము నేను యీడేర్తువు గాక
(॥విన్న॥)
యెదురు చూచితి నీకు నింతులచేఁ జెప్పెంపితి
వెదకితి నీవుండేటి విడిదలను
చెదరని వలపులు చిమిడితేఁ గొరయౌనా
పదను దప్పకుండాను పాలింతువుగాక
(॥విన్న॥)
పట్టితి వ్రతము నీకు పైపైఁ దమకించితిని
బెట్టి పేరుకొని నిన్నుఁ బిలచితిని
వెట్టిగాని మనసిది వేఁచితేను చవియౌనా
యిట్టే ససివాడకుండా నేలుదువుగాక
(॥విన్న॥)
వేళలు గాచితి నీకు వేగించితి నిందాఁక
మూలమైనదేవరకు మొక్కుకొంటిని
యీలీల శ్రీవేంకటేశ యిటు నన్నుఁ గూడితివి
బాలకి నన్నిట్టే చేపట్టుదువు గాక
(||pallavi||)
vinnaviṁchanemunnadi veginaṁtānu
yinniḍā nīsŏmmu nenu yīḍerduvu gāga
(||vinna||)
yĕduru sūsidi nīgu niṁtulasem̐ jĕppĕṁpidi
vĕdagidi nīvuṁḍeḍi viḍidalanu
sĕdarani valabulu simiḍidem̐ gŏrayaunā
padanu dappaguṁḍānu pāliṁtuvugāga
(||vinna||)
paṭṭidi vradamu nīgu paibaim̐ damagiṁchidini
bĕṭṭi perugŏni ninnum̐ bilasidini
vĕṭṭigāni manasidi vem̐sidenu saviyaunā
yiṭṭe sasivāḍaguṁḍā neluduvugāga
(||vinna||)
veḽalu gāsidi nīgu vegiṁchidi niṁdām̐ka
mūlamainadevaragu mŏkkugŏṁṭini
yīlīla śhrīveṁkaḍeśha yiḍu nannum̐ gūḍidivi
bālagi nanniṭṭe sebaṭṭuduvu gāga