విన్నవించ వసగాదు వెలఁది భావములెల్లా
(॥పల్లవి॥)
విన్నవించ వసగాదు వెలఁది భావములెల్లా
అన్నిటా నీవే యిఁక నాదరించవయ్యా
(॥విన్న॥)
చన్నులమీఁది పయ్యెద జారినదీఁ దలఁచదు
సన్నలు నీతోఁ జేసె సంతోసానను
చిన్నిచెమట చెక్కులఁ జిందేదీ నెఱఁగదు
కన్నుల నిన్నుఁ జూచే కాంక్షలను
(॥విన్న॥)
తురుములోని విరులు తొరిగేదీ నెంచదు
నిరతి నీతో మాఁటాడే నిబ్బరానను
మురిపినఁ దనపోఁకముడి వీడినాఁ బట్టదు
సరుగ నీపై వలపుచల్లే వేడుకలు
(॥విన్న॥)
ముంచి పులకలు మే మొలచినదీఁ జూడదు
అంచెల నిన్నుఁ గూడేటి యాసలను
కొంచక శ్రీవేంకటేశ కొమ్మ నిట్టె యేలితివి
చెంచెలించదు నీరతి సరసానను
(||pallavi||)
vinnaviṁcha vasagādu vĕlam̐di bhāvamulĕllā
anniḍā nīve yim̐ka nādariṁchavayyā
(||vinna||)
sannulamīm̐di payyĕda jārinadīm̐ dalam̐sadu
sannalu nīdom̐ jesĕ saṁtosānanu
sinnisĕmaḍa sĕkkulam̐ jiṁdedī nĕṟam̐gadu
kannula ninnum̐ jūse kāṁkṣhalanu
(||vinna||)
turumuloni virulu tŏrigedī nĕṁchadu
niradi nīdo mām̐ṭāḍe nibbarānanu
muribinam̐ danabom̐kamuḍi vīḍinām̐ baṭṭadu
saruga nībai valabusalle veḍugalu
(||vinna||)
muṁchi pulagalu me mŏlasinadīm̐ jūḍadu
aṁchĕla ninnum̐ gūḍeḍi yāsalanu
kŏṁchaga śhrīveṁkaḍeśha kŏmma niṭṭĕ yelidivi
sĕṁchĕliṁchadu nīradi sarasānanu