విన్నవించ నేఁటికి విచారము లేఁటికి
(॥పల్లవి॥)
విన్నవించ నేఁటికి విచారము లేఁటికి
నిన్నటనుండియు నాస నీకంటె గనము
(॥విన్న॥)
సిగ్గువడ్డ చెలిగాన చెనక కున్నదిగాని
అగ్గలము నీమీఁద నడియాస
దగ్గరె మొగమోటానఁ దలవంచుకుందిగాని
తగ్గని మోహము నీ చిత్తముకంటె గనము
(॥విన్న॥)
కొత్తగాఁ బెండ్లాడెఁగాన గుట్టున నున్నదిగాని
తత్తరించీ లోలోని తమకమైతె
హత్తి నీవు నవ్వేవని అంపకవున్నదిగాని
చిత్తిణి కోరికల నీ జిగికంటె గనము
(॥విన్న॥)
రతికిదగ్గరెఁగాన రవ్వసేయకుందిఁ గాని
చతురతలను నిన్ను జట్టిగొనును
యిత వెరిఁగి శ్రీవెంకటేశ యిట్టె కూడితివి
మితిమీరె యందుల నీమేలుకంటె గనము
(||pallavi||)
vinnaviṁcha nem̐ṭigi visāramu lem̐ṭigi
ninnaḍanuṁḍiyu nāsa nīgaṁṭĕ ganamu
(||vinna||)
sigguvaḍḍa sĕligāna sĕnaga kunnadigāni
aggalamu nīmīm̐da naḍiyāsa
daggarĕ mŏgamoḍānam̐ dalavaṁchuguṁdigāni
taggani mohamu nī sittamugaṁṭĕ ganamu
(||vinna||)
kŏttagām̐ bĕṁḍlāḍĕm̐gāna guṭṭuna nunnadigāni
tattariṁchī loloni tamagamaidĕ
hatti nīvu navvevani aṁpagavunnadigāni
sittiṇi korigala nī jigigaṁṭĕ ganamu
(||vinna||)
radigidaggarĕm̐gāna ravvaseyaguṁdim̐ gāni
saduradalanu ninnu jaṭṭigŏnunu
yida vĕrim̐gi śhrīvĕṁkaḍeśha yiṭṭĕ kūḍidivi
midimīrĕ yaṁdula nīmelugaṁṭĕ ganamu