విన్నమాట యిదె సుమ్మీ వెల్లవిరిగా నేము
(॥పల్లవి॥)
విన్నమాట యిదె సుమ్మీ వెల్లవిరిగా నేము
నిన్నటి మొన్నటి సుద్దినె మరి యెరఁగము
(॥విన్న॥)
శిరసునెరులు నీవు చిక్కు దియ్యఁగా విభుఁడు
కరఁగి నీమోము చూచి క గ్గీరుపఁగా
తెరవేసిరి చెలులు దిష్టముగా నంతలోనె
సరసపు మీసుద్దు లచ్చట మే మెరఁగము
(॥విన్న॥)
మేనిగందమటు నీవు మెల్లనె నలఁచగాను
మోనాన నాతఁడు నీకు మోవియియ్యఁగా
పూని వూడిగేలవారు పొంచి వాకిటనుండిరి
మేనులుసోఁకినరతి మీఁద నే మెరఁగము
(॥విన్న॥)
పమ్మినచెమట నీవు పయ్యెదఁ దుడువఁగాను
కమ్మి శ్రీవెంకటేశుఁడు కాఁగిలించఁగా
చిమ్ములఁ గొలువువారు సిగ్గున లోనికేఁగిరి
దొమ్మిగా నేఁ గూడితి మీతుద నే మెరఁగము
(||pallavi||)
vinnamāḍa yidĕ summī vĕllavirigā nemu
ninnaḍi mŏnnaḍi suddinĕ mari yĕram̐gamu
(||vinna||)
śhirasunĕrulu nīvu sikku diyyam̐gā vibhum̐ḍu
karam̐gi nīmomu sūsi ka ggīrubam̐gā
tĕravesiri sĕlulu diṣhṭamugā naṁtalonĕ
sarasabu mīsuddu lachchaḍa me mĕram̐gamu
(||vinna||)
menigaṁdamaḍu nīvu mĕllanĕ nalam̐sagānu
monāna nādam̐ḍu nīgu moviyiyyam̐gā
pūni vūḍigelavāru pŏṁchi vāgiḍanuṁḍiri
menulusom̐kinaradi mīm̐da ne mĕram̐gamu
(||vinna||)
pamminasĕmaḍa nīvu payyĕdam̐ duḍuvam̐gānu
kammi śhrīvĕṁkaḍeśhum̐ḍu kām̐giliṁcham̐gā
simmulam̐ gŏluvuvāru sigguna lonigem̐giri
dŏmmigā nem̐ gūḍidi mīduda ne mĕram̐gamu