(॥పల్లవి॥)
విన్నపము సేయవమ్మా విభునికి సుద్దులు
చెన్నుగా నేమి సేతము చెప్పరమ్మా బుద్దులు
(॥విన్న॥)
యెనలేని వలపుల యీఁతలు
మునుకొన్న నిట్టూర్పుల మోఁతలు
పొనుగొని సిగ్గుల పూఁతలు
వనితకు మరుఁడు సేసిన చేఁతులు
(॥విన్న॥)
కలసేటి తమకపు కరఁగులు
మలయుఁ జెక్కిటి చేయి మఱఁగులు
సెలసి పయ్యెదజారు చెఱఁగలు
చెలియకే మరుఁడుసేసిన తెఱఁగులు
(॥విన్న॥)
మరిగిన విరహపు మందులు
వెను కొన్నభావరతి విందులు
యిరవై, శ్రీవేంకటేశుఁ డిందులోనె వచ్చి కూడె
తరుణి కింతసేసిన తగు పొందులు
(||pallavi||)
vinnabamu seyavammā vibhunigi suddulu
sĕnnugā nemi sedamu sĕpparammā buddulu
(||vinna||)
yĕnaleni valabula yīm̐talu
munugŏnna niṭṭūrbula mom̐talu
pŏnugŏni siggula pūm̐talu
vanidagu marum̐ḍu sesina sem̐tulu
(||vinna||)
kalaseḍi tamagabu karam̐gulu
malayum̐ jĕkkiḍi seyi maṟam̐gulu
sĕlasi payyĕdajāru sĕṟam̐galu
sĕliyage marum̐ḍusesina tĕṟam̐gulu
(||vinna||)
marigina virahabu maṁdulu
vĕnu kŏnnabhāvaradi viṁdulu
yiravai, śhrīveṁkaḍeśhum̐ ḍiṁdulonĕ vachchi kūḍĕ
taruṇi kiṁtasesina tagu pŏṁdulu