విన్నపము లింత విన్నవించవలెనా
(॥పల్లవి॥)
విన్నపము లింత విన్నవించవలెనా
సన్నకు మేలే నీవు జరపఁగవలదా
(॥విన్న॥)
మాటలకు గురియ మనసులో మర్మములు
తేటల తెల్లములాయ తెలిఁగన్నులు
యేఁటికి జాగులు సేసే విచ్చట నచ్చటనుండి
ఆఁటదాని అసురురంత నీకువలెనా
(॥విన్న॥)
చెక్కుమీఁది చేయాయ చిప్పిలుఁ దమకమెల్ల
మొక్కులాయ విరహము ముంచిన యాస
తక్కులఁ బెట్టఁగనేల తరితీపు నేరుచుక
చక్కని కోమలాంగిజాలి నీకు వలెనా
(॥విన్న॥)
నవ్వులకు మొదలాయ ననుపులోపలిసిగ్గు
రవ్వలకుఁ జోటాయ రతి చిహ్నలు
యివ్వల శ్రీవెంకటేశ యింతి నిట్టె కూడితివి
జవ్వని నలయించి(చనీకు?)న చలమింతవలెనా
(||pallavi||)
vinnabamu liṁta vinnaviṁchavalĕnā
sannagu mele nīvu jarabam̐gavaladā
(||vinna||)
māḍalagu guriya manasulo marmamulu
teḍala tĕllamulāya tĕlim̐gannulu
yem̐ṭigi jāgulu sese vichchaḍa nachchaḍanuṁḍi
ām̐ṭadāni asururaṁta nīguvalĕnā
(||vinna||)
sĕkkumīm̐di seyāya sippilum̐ damagamĕlla
mŏkkulāya virahamu muṁchina yāsa
takkulam̐ bĕṭṭam̐ganela taridību nerusuga
sakkani komalāṁgijāli nīgu valĕnā
(||vinna||)
navvulagu mŏdalāya nanubulobalisiggu
ravvalagum̐ joḍāya radi sihnalu
yivvala śhrīvĕṁkaḍeśha yiṁti niṭṭĕ kūḍidivi
javvani nalayiṁchi(sanīgu?)na salamiṁtavalĕnā