విన్నప మిదియే వేవేలకు గోవిందా గోవిందా
(॥పల్లవి॥)
విన్నప మిదియే వేవేలకు గోవిందా గోవిందా
సన్నుతించెదను నావలనఁ గలుగు సర్వాపరాధము లెంచకుమీ
(॥విన్న॥)
యెఱఁగమినాది యెఱుక నీపని యేమరి సంసారినైన యిన్నాళ్ళును
మఱతును నేను మఱవవు నీవు మదమున సిరు లుప్పతిల్లఁగా
కొఱగాను నేను కొఱగలవు నీవు కొమ్మలవలపులఁ దగిలితిఁ గనక
మఱి నీవే గతి రక్షింపుము నా మర్మము నీచేతనున్నది సుమ్మీ
(॥విన్న॥)
నేరమి నాది నేరుపు నీది నేఁబుట్టుగులకు లోనైనయపుడే
కోరుదు నేను కోరవు నీవు గొనకొని యాపదలు పైకొనఁగా
దూరుదు నేను దూరవు నీవు తొరలి పురాకృతకర్మము లప్పుడు
యేరీతినైనా నీవే దిక్కింక యిదె నీకు శరణు చొచ్చితిఁ జుమ్మీ
(॥విన్న॥)
తలఁచమి నాది తలఁపు నీది యిటు తగ నంతర్యామివి గలకాలము
కొలుచుట నాది కొలువుగొనుట నీది కూరిమితో నే నీకు మొక్కఁగా
ఫలము నాది నా ఫలదుఁడవు నీవు పరికింపఁగా శ్రీవేంకటేశ్వర
బలువుఁడవు నీవు నన్ను నేలునాపాలిదై వమవు నీవే సుమ్మీ
(||pallavi||)
vinnaba midiye vevelagu goviṁdā goviṁdā
sannudiṁchĕdanu nāvalanam̐ galugu sarvābarādhamu lĕṁchagumī
(||vinna||)
yĕṟam̐gaminādi yĕṟuga nībani yemari saṁsārinaina yinnāḽḽunu
maṟadunu nenu maṟavavu nīvu madamuna siru luppadillam̐gā
kŏṟagānu nenu kŏṟagalavu nīvu kŏmmalavalabulam̐ dagilidim̐ ganaga
maṟi nīve gadi rakṣhiṁpumu nā marmamu nīsedanunnadi summī
(||vinna||)
nerami nādi nerubu nīdi nem̐buṭṭugulagu lonainayabuḍe
korudu nenu koravu nīvu gŏnagŏni yābadalu paigŏnam̐gā
dūrudu nenu dūravu nīvu tŏrali purākṛtagarmamu lappuḍu
yerīdinainā nīve dikkiṁka yidĕ nīgu śharaṇu sŏchchidim̐ jummī
(||vinna||)
talam̐sami nādi talam̐pu nīdi yiḍu taga naṁtaryāmivi galagālamu
kŏlusuḍa nādi kŏluvugŏnuḍa nīdi kūrimido ne nīgu mŏkkam̐gā
phalamu nādi nā phaladum̐ḍavu nīvu parigiṁpam̐gā śhrīveṁkaḍeśhvara
baluvum̐ḍavu nīvu nannu nelunābālidai vamavu nīve summī