వినవే విభునిమాట వింతదానవా
(॥పల్లవి॥)
వినవే విభునిమాట వింతదానవా
చెనకేటి వేళనింత సిగ్గులు వడుదురా
(॥వినవే॥)
యీసు లేని వాఁడతఁడు యిచ్చకురాలవు నీవు
తాసులవంటివే నీతలఁపు లెల్లా
సేస వెట్టినాఁడతఁడు చేయివట్టితివి నీవు
వాసులకు నీవుతల వంచుకొందురా
(॥వినవే॥)
సరసపు వాఁడతఁడు చాయకు వత్తువు నీవు
సరిబేసి వంటివే మీచనవులెల్లా
తెరవేసినాఁడతఁడు తిరమై నిలిచితివి
శిరసువంచుక నీవు చెక్కు చేతనుందురా
(॥వినవే॥)
శ్రీ వెంకటేశుఁడతఁడు శ్రీమహలక్ష్మీవి నీవు
పూవు వాసనవంటివే బుద్ధులెల్లాను
భావించి కూడెనతఁడు పైకొంటి విట్టెనీవు
తావున రతుల నిట్టే తమకింతురా
(||pallavi||)
vinave vibhunimāḍa viṁtadānavā
sĕnageḍi veḽaniṁta siggulu vaḍudurā
(||vinave||)
yīsu leni vām̐ḍadam̐ḍu yichchagurālavu nīvu
tāsulavaṁṭive nīdalam̐pu lĕllā
sesa vĕṭṭinām̐ḍadam̐ḍu seyivaṭṭidivi nīvu
vāsulagu nīvudala vaṁchugŏṁdurā
(||vinave||)
sarasabu vām̐ḍadam̐ḍu sāyagu vattuvu nīvu
saribesi vaṁṭive mīsanavulĕllā
tĕravesinām̐ḍadam̐ḍu tiramai nilisidivi
śhirasuvaṁchuga nīvu sĕkku sedanuṁdurā
(||vinave||)
śhrī vĕṁkaḍeśhum̐ḍadam̐ḍu śhrīmahalakṣhmīvi nīvu
pūvu vāsanavaṁṭive buddhulĕllānu
bhāviṁchi kūḍĕnadam̐ḍu paigŏṁṭi viṭṭĕnīvu
tāvuna radula niṭṭe tamagiṁturā