వినవమ్మ జానకి నీవిభుఁ డింత సేసినాఁడు
(॥పల్లవి॥)
వినవమ్మ జానకి నీవిభుఁ డింత సేసినాఁడు
యెనసి యీరఘుశ్రీరాముఁ డికఁ నేమి సేసునో
(॥విన॥)
వానరులదండు గూడి వారధి కొండలఁ గట్టె
ఆని లంక చుట్టిరా నదే విడిసె
కోనలఁ ద్రికూటమెక్కె గొడగు లన్నియుఁ జెక్కె
యే నెపాన రఘురాముఁ డిఁక నేమి సేసునో
(॥విన॥)
కోరి ఇంద్రజిత్తుఁ జంపె కుంభకర్ణు నిర్జించె
ఘోరదానవులనెల్ల కూలఁగుమ్మెను
మారణహోమము సేసె మతకమింతాఁ జెరిచె
యీరసాన రఘురాముఁ డిఁక నేమి సేసునో
(॥విన॥)
లావున రావణుఁ జంపె లంక విభీషణు కిచ్చె
చేవల నోసీత నిన్నుఁ జేకొనెను
భావించి శ్రీవేంకటాద్రిఁ బట్టము దాఁ గట్టుకొనె
యీవలనావల నాతఁ డిఁక నేమి సేసునో
(||pallavi||)
vinavamma jānagi nīvibhum̐ ḍiṁta sesinām̐ḍu
yĕnasi yīraghuśhrīrāmum̐ ḍigam̐ nemi sesuno
(||vina||)
vānaruladaṁḍu gūḍi vāradhi kŏṁḍalam̐ gaṭṭĕ
āni laṁka suṭṭirā nade viḍisĕ
konalam̐ drigūḍamĕkkĕ gŏḍagu lanniyum̐ jĕkkĕ
ye nĕbāna raghurāmum̐ ḍim̐ka nemi sesuno
(||vina||)
kori iṁdrajittum̐ jaṁpĕ kuṁbhagarṇu nirjiṁchĕ
ghoradānavulanĕlla kūlam̐gummĕnu
māraṇahomamu sesĕ madagamiṁtām̐ jĕrisĕ
yīrasāna raghurāmum̐ ḍim̐ka nemi sesuno
(||vina||)
lāvuna rāvaṇum̐ jaṁpĕ laṁka vibhīṣhaṇu kichchĕ
sevala nosīda ninnum̐ jegŏnĕnu
bhāviṁchi śhrīveṁkaḍādrim̐ baṭṭamu dām̐ gaṭṭugŏnĕ
yīvalanāvala nādam̐ ḍim̐ka nemi sesuno