వినరయ్య నరసింహవిజయము జనులాల
(॥పల్లవి॥)
వినరయ్య నరసింహవిజయము జనులాల
అనిశము సంపదలు నాయువు నొసఁగును
(॥వినర॥)
మొదలఁ గొలువుకూటమున నుండి కశిపుఁడు
చదివించెఁ బ్రహ్లాదుని శాస్త్రములు
అదన నాతఁడు నారాయణుఁడే దైవమనె
అదరిపడి దైత్యుఁడు ఆతనిఁ జూపుమనె
(॥వినర॥)
అంతటఁ బ్రహ్లాదుఁడు ‘అన్నిటానున్నాఁ’డనియె
పంతమున దానవుఁడు బాలునిఁ జూచి
యెంతయుఁ గడఁకతోడ ‘ఇందులోఁ జూపు’మని
చెంతనున్న కంబము చేతఁగొని వేసె
(॥వినర॥)
అటమీఁదట బ్రహ్మాండం బదరుచు
కుటిల భయంకర ఘోషముతో
చిట చిట చిటమని పెట పెట పెటమని
పటపట మనుచును బగిలెఁ గంబము
(॥వినర॥)
కులగిరు లదరెను కుంభిని వడఁకెను
తలఁకిరి దైత్యులు తల్లడిలి
కలఁగెను జగములు కంపించె జగములు
ప్రళయ కాలగతిఁ బాటిల్లె నపుడు
(॥వినర॥)
ఘననారసింహుఁ డదె కంబము నందు వెడలె
కనుపట్టె నదిగొ చక్ర జ్వాలలు
మునుకొని వెడలెఁ గార్ముకముక్త శరములు
కనకకశివునకుఁ గలఁగె గుండియలు
(॥వినర॥)
అడరె నద్దేవుని కోపాగ్నులు బెడిదపు -
మిడుఁగురుల తోడుత మిన్నులుముట్టి
పిడుగులురాలేటి భీకర నఖరములు
గడుసు రక్కసునికి గాలములై తగిలె
(॥వినర॥)
తొడికి పట్టి విష్ణుఁడు తొడమీఁద నిడుకొని
కడుపు చించెను వాని గర్వమడఁగ
వెడలెఁ జిల్లున వాని వేఁడి నెత్తురు నింగికి
పొడి వొడియాయ శత్రు భూషణము లెల్లను
(॥వినర॥)
నెళ నెళన విరిచె నిక్క వాని యెముకలు
పెళ పెళ నారిచి పెచ్చు వెరిగె హరి
జళిపించి పేగులు జంద్యాలుగా వేసుకొనె
తళుకుఁ గోరలు తళ తళమని మెరిచె
(॥వినర॥)
పెటలించి నరములు పెరికి కుప్పలువేసి
గుటగుటమని రొప్పె గోవిందుఁడు
చిటిలించి కండలు చెక్కలు వారఁజెండి
కుటిల దానవుఁ జూచి ‘ఖో’ యని యార్చెను
(॥వినర॥)
తెంచి శిరోజములు దిక్కులకు వాని -
పంచ ప్రాణములు గొనెఁ బరమాత్ముఁడు
అంచెల నీ రీతిని ప్రహ్లాదుని పగ నీఁగె
మించి దేవతలు మితిమీఱి జయవెట్టిరి
(॥వినర॥)
అప్పు డిందిరాదేవి యంకమునఁ గూచుండె వొప్పుగ శాంతమందె నహోబలేశుఁడు
తప్పక కోనేటిదండఁ దానై యిందును నందు చిప్పిల వరములిచ్చీ శ్రీ వేంకటేశుఁడు
(||pallavi||)
vinarayya narasiṁhavijayamu janulāla
aniśhamu saṁpadalu nāyuvu nŏsam̐gunu
(||vinara||)
mŏdalam̐ gŏluvugūḍamuna nuṁḍi kaśhibum̐ḍu
sadiviṁchĕm̐ brahlāduni śhāstramulu
adana nādam̐ḍu nārāyaṇum̐ḍe daivamanĕ
adaribaḍi daityum̐ḍu ādanim̐ jūbumanĕ
(||vinara||)
aṁtaḍam̐ brahlādum̐ḍu ‘anniḍānunnām̐’ḍaniyĕ
paṁtamuna dānavum̐ḍu bālunim̐ jūsi
yĕṁtayum̐ gaḍam̐kadoḍa ‘iṁdulom̐ jūbu’mani
sĕṁtanunna kaṁbamu sedam̐gŏni vesĕ
(||vinara||)
aḍamīm̐daḍa brahmāṁḍaṁ badarusu
kuḍila bhayaṁkara ghoṣhamudo
siḍa siḍa siḍamani pĕḍa pĕḍa pĕḍamani
paḍabaḍa manusunu bagilĕm̐ gaṁbamu
(||vinara||)
kulagiru ladarĕnu kuṁbhini vaḍam̐kĕnu
talam̐kiri daityulu tallaḍili
kalam̐gĕnu jagamulu kaṁpiṁchĕ jagamulu
praḽaya kālagadim̐ bāḍillĕ nabuḍu
(||vinara||)
ghananārasiṁhum̐ ḍadĕ kaṁbamu naṁdu vĕḍalĕ
kanubaṭṭĕ nadigŏ sakra jvālalu
munugŏni vĕḍalĕm̐ gārmugamukta śharamulu
kanagakaśhivunagum̐ galam̐gĕ guṁḍiyalu
(||vinara||)
aḍarĕ naddevuni kobāgnulu bĕḍidabu -
miḍum̐gurula toḍuda minnulumuṭṭi
piḍugulurāleḍi bhīgara nakharamulu
gaḍusu rakkasunigi gālamulai tagilĕ
(||vinara||)
tŏḍigi paṭṭi viṣhṇum̐ḍu tŏḍamīm̐da niḍugŏni
kaḍubu siṁchĕnu vāni garvamaḍam̐ga
vĕḍalĕm̐ jilluna vāni vem̐ḍi nĕtturu niṁgigi
pŏḍi vŏḍiyāya śhatru bhūṣhaṇamu lĕllanu
(||vinara||)
nĕḽa nĕḽana virisĕ nikka vāni yĕmugalu
pĕḽa pĕḽa nārisi pĕchchu vĕrigĕ hari
jaḽibiṁchi pegulu jaṁdyālugā vesugŏnĕ
taḽugum̐ goralu taḽa taḽamani mĕrisĕ
(||vinara||)
pĕḍaliṁchi naramulu pĕrigi kuppaluvesi
guḍaguḍamani rŏppĕ goviṁdum̐ḍu
siḍiliṁchi kaṁḍalu sĕkkalu vāram̐jĕṁḍi
kuḍila dānavum̐ jūsi ‘kho’ yani yārsĕnu
(||vinara||)
tĕṁchi śhirojamulu dikkulagu vāni -
paṁcha prāṇamulu gŏnĕm̐ baramātmum̐ḍu
aṁchĕla nī rīdini prahlāduni paga nīm̐gĕ
miṁchi devadalu midimīṟi jayavĕṭṭiri
(||vinara||)
appu ḍiṁdirādevi yaṁkamunam̐ gūsuṁḍĕ vŏppuga śhāṁtamaṁdĕ nahobaleśhum̐ḍu
tappaga koneḍidaṁḍam̐ dānai yiṁdunu naṁdu sippila varamulichchī śhrī veṁkaḍeśhum̐ḍu