(॥పల్లవి॥)
విడిచితి మనరాదు అవి మరి విడువమనఁగరాదు
అడరిన శ్రీహరి అనుమతికొలఁదే
(॥విడి॥)
పెంచినఁ బెరుగును పెను యింద్రియములు
కొంచము సేసినఁ గుందును
పంచిన దిందును పాపముఁ బుణ్యము
యెంచఁగ నీశ్వరుఁడిచ్చిన కొలఁదే
(॥విడి॥)
తెలిసినఁ దేటగు తిరమగు మనసిది
కలఁచిన లోలోఁగలఁగును
తొలఁచిన దిందునె దు:ఖము సుఖమును
యిల నంతర్యామిచ్చిన కొలఁదే
(॥విడి॥)
చేసినఁ జెలఁగును చేఁతల కర్మము
పాసినఁ బాయును బంధముతో
ఆసల శ్రీవేంకటాధీశుఁడిందుకు
యీసరి గర్తతఁడిచ్చిన కొలఁదే
(||pallavi||)
viḍisidi manarādu avi mari viḍuvamanam̐garādu
aḍarina śhrīhari anumadigŏlam̐de
(||viḍi||)
pĕṁchinam̐ bĕrugunu pĕnu yiṁdriyamulu
kŏṁchamu sesinam̐ guṁdunu
paṁchina diṁdunu pābamum̐ buṇyamu
yĕṁcham̐ga nīśhvarum̐ḍichchina kŏlam̐de
(||viḍi||)
tĕlisinam̐ deḍagu tiramagu manasidi
kalam̐sina lolom̐galam̐gunu
tŏlam̐sina diṁdunĕ du:khamu sukhamunu
yila naṁtaryāmichchina kŏlam̐de
(||viḍi||)
sesinam̐ jĕlam̐gunu sem̐tala karmamu
pāsinam̐ bāyunu baṁdhamudo
āsala śhrīveṁkaḍādhīśhum̐ḍiṁdugu
yīsari gardadam̐ḍichchina kŏlam̐de