విచ్చేయవయ్యా వేంకటాచలముపొంత
(॥పల్లవి॥)
విచ్చేయవయ్యా వేంకటాచలముపొంత-
కచ్చుగా నేమున్నచోటి కచ్యుతనారాయణా
(॥విచ్చే॥)
అల్లనాఁడు లంక సాధించందరును బొగడఁగ
మల్లడి నయోధ్యకు మరలినట్లు
యెల్లగాఁ గైలాసయాత్ర కేఁగి కమ్మర మరలి
వెల్లవిరి ద్వారకకు విచ్చేసినట్లు
(॥విచ్చే॥)
యెన్నికతో గోమంతమెక్కి జయము చేకొని
మన్ననతో మధురకు మరలినట్లు
అన్నిచోట్లా నుండి అల్లిరము లారగించ
వెన్నుఁడవై వేడుకతో విచ్చేసినట్లు
(॥విచ్చే॥)
వహికెక్కఁ ద్రిపురాల వనితల బోధించి
మహి నిందిర వొద్దికి మరలినట్లు
విహగగమన శ్రీవేంకటేశ మముఁ గావ
విహితమై నామతిలో విచ్చేసినట్లు
(||pallavi||)
vichcheyavayyā veṁkaḍāsalamubŏṁta-
kachchugā nemunnasoḍi kachyudanārāyaṇā
(||vichche||)
allanām̐ḍu laṁka sādhiṁchaṁdarunu bŏgaḍam̐ga
mallaḍi nayodhyagu maralinaṭlu
yĕllagām̐ gailāsayātra kem̐gi kammara marali
vĕllaviri dvāragagu vichchesinaṭlu
(||vichche||)
yĕnnigado gomaṁtamĕkki jayamu segŏni
mannanado madhuragu maralinaṭlu
annisoṭlā nuṁḍi alliramu lāragiṁcha
vĕnnum̐ḍavai veḍugado vichchesinaṭlu
(||vichche||)
vahigĕkkam̐ driburāla vanidala bodhiṁchi
mahi niṁdira vŏddigi maralinaṭlu
vihagagamana śhrīveṁkaḍeśha mamum̐ gāva
vihidamai nāmadilo vichchesinaṭlu