(॥పల్లవి॥)
విచ్చేయరాదా వెలఁదిఁ జూతువుగాని
హెచ్చిన తమకముతో నింటిలోన నున్నది
(॥విచ్చే॥)
తలఁచిన తలఁపులు తరుణియురమునను
మొలచెను మొలకలై మొగిఁ జన్నులు
వలచిన వలపులు వడియుచుఁ జెక్కులను
జలజలఁ జెమటలై జడివట్టెనిదివో
(॥విచ్చే॥)
కోరిన కోరికలెల్లాఁ గొనసాగి శిరసున
పేరడిగాఁ బెరిగెను పెనుఁదురుమై
నేరిచిన నేరుపులు నిండా మోవితేనెయై నో
రూరఁజొచ్చె నీ సతికి నొద్దికతో నిదివో
(॥విచ్చే॥)
ననిచిన ననుపులు నాతిని నీవు గూడఁగ
గొనకొనీ గోరితాకుల లతలై
అనిశము శ్రీ వేంకటాధిప యీరీతినే
దినదినమును మాకు దిష్టమాయనిదివో
(||pallavi||)
vichcheyarādā vĕlam̐dim̐ jūduvugāni
hĕchchina tamagamudo niṁṭilona nunnadi
(||vichche||)
talam̐sina talam̐pulu taruṇiyuramunanu
mŏlasĕnu mŏlagalai mŏgim̐ jannulu
valasina valabulu vaḍiyusum̐ jĕkkulanu
jalajalam̐ jĕmaḍalai jaḍivaṭṭĕnidivo
(||vichche||)
korina korigalĕllām̐ gŏnasāgi śhirasuna
peraḍigām̐ bĕrigĕnu pĕnum̐durumai
nerisina nerubulu niṁḍā movidenĕyai no
rūram̐jŏchchĕ nī sadigi nŏddigado nidivo
(||vichche||)
nanisina nanubulu nādini nīvu gūḍam̐ga
gŏnagŏnī goridāgula ladalai
aniśhamu śhrī veṁkaḍādhiba yīrīdine
dinadinamunu māgu diṣhṭamāyanidivo