విచ్చనవిడినీ యాడీ వీఁడె కృష్ణుఁడు
(॥పల్లవి॥)
విచ్చనవిడినీ యాడీ వీఁడె కృష్ణుఁడు
వొచ్చము లేనివాఁడు వుద్దగిరికృష్ణుఁడు
(॥విచ్చ॥)
గల్లుగల్లుమనఁగాను గజ్జలు నందెలతోడ
బిల్లఁగోట్లాడీని పిన్నకృష్ణుఁడు
కెల్లురేఁగి వీధులనుఁ గేరి పుట్టచెండులాడీ
బల్లిదుఁడు గదవమ్మ బాలకృష్ణుఁడు
(॥విచ్చ॥)
తమితోడ గోపాలులు తానుఁ గూడి ముంగిటను
సముద్రబిల్లలాడీ సాధుకృష్ణుఁడు
చెమటలుగార సిరసింగనవత్తి యాడీ
గుమితాన వీఁడే యమ్మా గోపాలకృష్ణుఁడు
(॥విచ్చ॥)
వుదుటునఁ బారి పారి వుడ్డగచ్చకాయలాడీ
ముదముదొలఁకఁగాను ముద్దుకృష్ణుఁడు
అదివో శ్రీవేంకటేశుఁ డాటలెల్లాఁ దానే యాడీ
పదివేలు చందాల శ్రీపతియైన కృష్ణుఁడు
(||pallavi||)
vichchanaviḍinī yāḍī vīm̐ḍĕ kṛṣhṇum̐ḍu
vŏchchamu lenivām̐ḍu vuddagirikṛṣhṇum̐ḍu
(||vichcha||)
gallugallumanam̐gānu gajjalu naṁdĕladoḍa
billam̐goṭlāḍīni pinnakṛṣhṇum̐ḍu
kĕllurem̐gi vīdhulanum̐ geri puṭṭasĕṁḍulāḍī
ballidum̐ḍu gadavamma bālakṛṣhṇum̐ḍu
(||vichcha||)
tamidoḍa gobālulu tānum̐ gūḍi muṁgiḍanu
samudrabillalāḍī sādhukṛṣhṇum̐ḍu
sĕmaḍalugāra sirasiṁganavatti yāḍī
gumidāna vīm̐ḍe yammā gobālakṛṣhṇum̐ḍu
(||vichcha||)
vuduḍunam̐ bāri pāri vuḍḍagachchagāyalāḍī
mudamudŏlam̐kam̐gānu muddukṛṣhṇum̐ḍu
adivo śhrīveṁkaḍeśhum̐ ḍāḍalĕllām̐ dāne yāḍī
padivelu saṁdāla śhrībadiyaina kṛṣhṇum̐ḍu