(॥పల్లవి॥)
విభునికి నీమాటె విన్నవించరా
సభల దూరపుటేర్లు జలధులఁ గూడవా
(॥విభ॥)
దవ్వులనుండితేనె దగ్గరి వుండుట గాదా
దవ్వులనుండిన తన్నుఁ దలఁచఁ గదే
దవ్వుగాదా సూర్యునికి ధరణిఁ దామరలకు
దవ్వుల పొందులె కడుఁ దగులము లాయనే
(॥విభ॥)
ఆకడి మో మైతేనె యీకడి మో మౌత గాదా
ఆకడఁ దనదిక్కు మో మైతినేఁ గదే
ఆకసపు మొయి లేడ అడవినెమలి యాడ
దాకొని వింతగుచూపు తరితీపు దానే
(॥విభ॥)
ఆసమాట లాడితేనె అండకు వచ్చుట గాదా
వాసి నేఁ దనకడకు వచ్చితిఁ గదే
యీసులేక శ్రీ వెంకటేశుఁ డేడ నే నేడ
వేరక కూడితిమి వింత లెల్లఁ జేరెనే
(||pallavi||)
vibhunigi nīmāḍĕ vinnaviṁcharā
sabhala dūrabuḍerlu jaladhulam̐ gūḍavā
(||vibha||)
davvulanuṁḍidenĕ daggari vuṁḍuḍa gādā
davvulanuṁḍina tannum̐ dalam̐sam̐ gade
davvugādā sūryunigi dharaṇim̐ dāmaralagu
davvula pŏṁdulĕ kaḍum̐ dagulamu lāyane
(||vibha||)
āgaḍi mo maidenĕ yīgaḍi mo mauda gādā
āgaḍam̐ danadikku mo maidinem̐ gade
āgasabu mŏyi leḍa aḍavinĕmali yāḍa
dāgŏni viṁtagusūbu taridību dāne
(||vibha||)
āsamāḍa lāḍidenĕ aṁḍagu vachchuḍa gādā
vāsi nem̐ danagaḍagu vachchidim̐ gade
yīsulega śhrī vĕṁkaḍeśhum̐ ḍeḍa ne neḍa
veraga kūḍidimi viṁta lĕllam̐ jerĕne