(॥పల్లవి॥)
వేవేలు సతులు గల విభుఁడవు
సేవలు సేయకుండితే చిత్తగించేవా
(॥॥)
విన్నపాలు సేసితే వేడుకలు రేఁగును
కన్నులెదుట నుండితేఁ గనుపట్టును
సన్నలు సేసితేను చవులెల్ల నొనగూడు
మన్నింతు వంటా రాకుంటే మాటలాడేవా
(॥॥)
కతలు సారెఁ జెప్పితే కైవసమౌ నేస్తము
తతి వేళ గాచితేను దయ వుట్టునూ
రతికెక్కఁ గొలిచితే రచన లెల్లా నీడేరు
అతి రాజసాన నుంటే నంటి నవ్వేనా
(॥॥)
పాదము లొత్తితేను భావములు గరఁగును
పోదితోఁ జెనకితేను పొడముఁదమి
యీ దెస శ్రీ వేంకటేశ యిట్టే నన్నుఁ గూడితివి
పాదుకొని లోన నుంటే బాఁతి పడేవా
(||pallavi||)
vevelu sadulu gala vibhum̐ḍavu
sevalu seyaguṁḍide sittagiṁchevā
(||||)
vinnabālu seside veḍugalu rem̐gunu
kannulĕduḍa nuṁḍidem̐ ganubaṭṭunu
sannalu sesidenu savulĕlla nŏnagūḍu
manniṁtu vaṁṭā rāguṁṭe māḍalāḍevā
(||||)
kadalu sārĕm̐ jĕppide kaivasamau nestamu
tadi veḽa gāsidenu daya vuṭṭunū
radigĕkkam̐ gŏliside rasana lĕllā nīḍeru
adi rājasāna nuṁṭe naṁṭi navvenā
(||||)
pādamu lŏttidenu bhāvamulu garam̐gunu
podidom̐ jĕnagidenu pŏḍamum̐dami
yī dĕsa śhrī veṁkaḍeśha yiṭṭe nannum̐ gūḍidivi
pādugŏni lona nuṁṭe bām̐ti paḍevā