(॥పల్లవి॥)
వేవేల చందాలవాఁడు విఠలేశుఁడు
భావించ నలవిగాని పరమాత్ముఁ డితఁడు
(॥వేవేల॥)
సతతము రుక్మిణీ సత్యభామల నడుమ
రతికెక్కిన సింగారరాయఁ డితఁడు
చతురత సనకాది సంయమీంద్రులమతి-
నతిశయిల్లేటి పరమానంద మితఁడు
(॥వేవేల॥)
దేవతల కెల్లాను దిక్కు దెసై వెలుఁగొంది
తావుకొన్న యట్టి యాధార మీతఁడు
మూవంక గొల్లెతలు మున్ను సేసిన తపము
కైవశమై ఫలించిన ఘన భాగ్య మితఁడు
(॥వేవేల॥)
వరముతో యశోద వసు దేవాదులకు
పరగిన కన్నులపండు గీతఁడు
పిరులు మించినయట్టి శ్రీ వేంకటాద్రిమీఁది-
నిరతి దాసుల పాలి నిధాన మితఁడు
(||pallavi||)
vevela saṁdālavām̐ḍu viṭhaleśhum̐ḍu
bhāviṁcha nalavigāni paramātmum̐ ḍidam̐ḍu
(||vevela||)
sadatamu rukmiṇī satyabhāmala naḍuma
radigĕkkina siṁgārarāyam̐ ḍidam̐ḍu
sadurada sanagādi saṁyamīṁdrulamadi-
nadiśhayilleḍi paramānaṁda midam̐ḍu
(||vevela||)
devadala kĕllānu dikku dĕsai vĕlum̐gŏṁdi
tāvugŏnna yaṭṭi yādhāra mīdam̐ḍu
mūvaṁka gŏllĕdalu munnu sesina tabamu
kaivaśhamai phaliṁchina ghana bhāgya midam̐ḍu
(||vevela||)
varamudo yaśhoda vasu devādulagu
paragina kannulabaṁḍu gīdam̐ḍu
pirulu miṁchinayaṭṭi śhrī veṁkaḍādrimīm̐di-
niradi dāsula pāli nidhāna midam̐ḍu