వెఱ్ఱులాల మీకు వేడుక గలితేను
(॥పల్లవి॥)
వెఱ్ఱులాల మీకు వేడుక గలితేను
అఱ్ఱువంచి తడు కల్లంగరాదా
(॥వెఱ్ఱు॥)
ముడిచివేసిన పువ్వు ముడువ యోగ్యముకాదు
కుడిచివేసిన పుల్లె కుడువఁగాఁ గాదు
బడినొకరు చెప్పినఁ ప్రతి చెప్పఁబోతేను
అడరి శ్రీహరి కది అరుహముగాదు
(॥వెఱ్ఱు॥)
గంపెఁ డుముక దినఁగా నొక్క వరిగింజ
తెంపునఁ గలసితే తెలియనెట్టు వచ్చు
జంపులఁ బలవరించఁగ నొక మంచిమాట
ఇంపైతే హరి యందుకిచ్చునా వరము
(॥వెఱ్ఱు॥)
వుమిసిన తమ్మలో నొకకొంత కప్రము
సమకూర్చి చవిగొని చప్పరించనేల
అమరఁగ ఛాయాపహారము సేసుక
తమమాట గూర్చితే దైవము నగఁడా
(॥వెఱ్ఱు॥)
చిబికివేసిన గింజ చేతఁ బట్టఁగనేల
గబుక కెంగిలిబూరె గడుగఁగ మరి యేల
తొబుక కవిత్వాల దోషాలఁ బొరలితే
దిబుకార నవ్వఁడా దేవుఁడైనాను
(॥వెఱ్ఱు॥)
మించుచద్దికూటి మీఁద నుమిసినట్టు
మంచి దొకటి చెప్పి మరిచెప్పనేరక
కంచుఁ బెంచు నొక్కగతి నదికితే ముట్టు-
పెంచువలెనే చూచు పెరుమాళ్లు వాని
(॥వెఱ్ఱు॥)
పుచ్చినట్టి పండుబూఁజి లోననే వుండు
బచ్చన కవితలు బాఁతిగావు యెందు
ముచ్చుఁ గన్నతల్లి మూల కొదిగినట్టు
ముచ్చిమి నుతులేల మొక్కరో హరికి
(॥వెఱ్ఱు॥)
వుల్లిదిన్న కోమ టూరకవున్నట్టు
జల్లెడ నావాలు జారిపోయినట్టు
కల్లలు చెప్పి యాకథ కుత్తరము లీక
మెల్లనే వుండితే మెచ్చునా దైవము
(॥వెఱ్ఱు॥)
నేతి బీరకాయ నేయి అందులేదు
రాతివీరునికి బీరము ఇంచుకా లేదు
ఘాత బూరుగుఁబండు కడుపులోన దూది
యేతుల నుడుగులు యెక్కునా హరికి
(॥వెఱ్ఱు॥)
ఇరుగువా రెరఁగరు పొరుగువా రెరఁగరు
గొరబైన మాటలు గొణఁగుచు నుందురు
పరులఁ గాదందురు బాఁతిగారు తాము
విరసు లట్టివారి విడుచు దేవుఁడు
(॥వెఱ్ఱు॥)
యెన్నఁగ శ్రీవేంకటేశుఁ దాళ్లపాక
అన్నమాచార్యులు అఖిలదిక్కులు మెచ్చ-
నున్నతితో బాడిరొకఁ డెవ్వఁడో తాను
సన్న నొరసునట సమ్మతా హరికి
(||pallavi||)
vĕṭrulāla mīgu veḍuga galidenu
aṭruvaṁchi taḍu kallaṁgarādā
(||vĕṭru||)
muḍisivesina puvvu muḍuva yogyamugādu
kuḍisivesina pullĕ kuḍuvam̐gām̐ gādu
baḍinŏgaru sĕppinam̐ pradi sĕppam̐bodenu
aḍari śhrīhari kadi aruhamugādu
(||vĕṭru||)
gaṁpĕm̐ ḍumuga dinam̐gā nŏkka varigiṁja
tĕṁpunam̐ galaside tĕliyanĕṭṭu vachchu
jaṁpulam̐ balavariṁcham̐ga nŏga maṁchimāḍa
iṁpaide hari yaṁdugichchunā varamu
(||vĕṭru||)
vumisina tammalo nŏgagŏṁta kapramu
samagūrsi savigŏni sappariṁchanela
amaram̐ga shāyābahāramu sesuga
tamamāḍa gūrside daivamu nagam̐ḍā
(||vĕṭru||)
sibigivesina giṁja sedam̐ baṭṭam̐ganela
gabuga kĕṁgilibūrĕ gaḍugam̐ga mari yela
tŏbuga kavitvāla doṣhālam̐ bŏralide
dibugāra navvam̐ḍā devum̐ḍainānu
(||vĕṭru||)
miṁchusaddigūḍi mīm̐da numisinaṭṭu
maṁchi dŏgaḍi sĕppi marisĕppaneraga
kaṁchum̐ bĕṁchu nŏkkagadi nadigide muṭṭu-
pĕṁchuvalĕne sūsu pĕrumāḽlu vāni
(||vĕṭru||)
puchchinaṭṭi paṁḍubūm̐ji lonane vuṁḍu
bachchana kavidalu bām̐tigāvu yĕṁdu
muchchum̐ gannadalli mūla kŏdiginaṭṭu
muchchimi nudulela mŏkkaro harigi
(||vĕṭru||)
vullidinna koma ṭūragavunnaṭṭu
jallĕḍa nāvālu jāriboyinaṭṭu
kallalu sĕppi yāgatha kuttaramu līga
mĕllane vuṁḍide mĕchchunā daivamu
(||vĕṭru||)
nedi bīragāya neyi aṁduledu
rādivīrunigi bīramu iṁchugā ledu
ghāda būrugum̐baṁḍu kaḍubulona dūdi
yedula nuḍugulu yĕkkunā harigi
(||vĕṭru||)
iruguvā rĕram̐garu pŏruguvā rĕram̐garu
gŏrabaina māḍalu gŏṇam̐gusu nuṁduru
parulam̐ gādaṁduru bām̐tigāru tāmu
virasu laṭṭivāri viḍusu devum̐ḍu
(||vĕṭru||)
yĕnnam̐ga śhrīveṁkaḍeśhum̐ dāḽlabāga
annamāsāryulu akhiladikkulu mĕchcha-
nunnadido bāḍirŏgam̐ ḍĕvvam̐ḍo tānu
sanna nŏrasunaḍa sammadā harigi