వెఱ్ఱివాఁడు వెఱ్ఱిగాఁడు విష్ణుని దాస్యము లేక
(॥పల్లవి॥)
వెఱ్ఱివాఁడు వెఱ్ఱిగాఁడు విష్ణుని దాస్యము లేక
విఱ్ఱవీఁగే యహంకారి వెఱ్ఱివాఁడు
(॥వెఱ్ఱి॥)
నాలుకపై శ్రీహరినామ మిట్టే వుండఁగాను
జోలితో మఱచిననీచుఁడే వెఱ్ఱివాఁడు
అలరియీజగమెల్లా హరిరూపై వుండఁగాను
వాలి తలపోయలేనివాఁడు వెఱ్ఱివాఁడు
(॥వెఱ్ఱి॥)
కూరిమి బ్రహ్మాండాలు కుక్షినున్న హరికంటే
కోరి వేరె కలఁడనేకుమతి వెఱ్ఱివాఁడు
చేరి తనయాత్మలోన శ్రీరమణుఁడుండఁగాను
దూరమై తిరుగువాఁడే దొడ్డవెఱ్ఱివాఁడు
(॥వెఱ్ఱి॥)
సారపు శ్రీవేంకటేశు శరణాగతి వుండఁగా
సారెఁ గర్మములంటెడి జడుడు వెఱ్ఱివాఁడు
చేరువ నాతని ముద్ర చెల్లుబడి నుండఁగా
మోరతోపైవున్నవాఁడే ముందు వెఱ్ఱివాఁడు
(||pallavi||)
vĕṭrivām̐ḍu vĕṭrigām̐ḍu viṣhṇuni dāsyamu lega
viṭravīm̐ge yahaṁkāri vĕṭrivām̐ḍu
(||vĕṭri||)
nālugabai śhrīharināma miṭṭe vuṁḍam̐gānu
jolido maṟasinanīsum̐ḍe vĕṭrivām̐ḍu
alariyījagamĕllā harirūbai vuṁḍam̐gānu
vāli talaboyalenivām̐ḍu vĕṭrivām̐ḍu
(||vĕṭri||)
kūrimi brahmāṁḍālu kukṣhinunna harigaṁṭe
kori verĕ kalam̐ḍanegumadi vĕṭrivām̐ḍu
seri tanayātmalona śhrīramaṇum̐ḍuṁḍam̐gānu
dūramai tiruguvām̐ḍe dŏḍḍavĕṭrivām̐ḍu
(||vĕṭri||)
sārabu śhrīveṁkaḍeśhu śharaṇāgadi vuṁḍam̐gā
sārĕm̐ garmamulaṁṭĕḍi jaḍuḍu vĕṭrivām̐ḍu
seruva nādani mudra sĕllubaḍi nuṁḍam̐gā
moradobaivunnavām̐ḍe muṁdu vĕṭrivām̐ḍu