వెఱ్ఱివాఁడ వెఱ్ఱివాఁడ వినియుఁ గనియుఁ మరి
(॥పల్లవి॥)
వెఱ్ఱివాఁడ వెఱ్ఱివాఁడ వినియుఁ గనియుఁ మరి
వెఱ్ఱి దెలిసి రోఁకలి వేరె చుట్టేఁ గాక
(॥వెఱ్ఱి॥)
పుట్టించిన వాడవట పూచి నన్నుఁ బెంచలేవా
కట్టఁగడ నమ్మని నాకడమే కాక
వొట్టి నాలో నుందువట వొగిఁ బాపము నాకేది
గట్టిగాఁ బుణ్యము వేరే కట్టుకొనేఁ గాక
(॥వెఱ్ఱి॥)
యేడనైనా నీవే యట యెదుట నుండఁగలేవా
వేడ(డె?) వెట్టి యేడనై నా వెదకేఁ గాక
ఆడినదెల్లా నీవట అందులోఁ దప్పులన్నవా
వీడు పడ్డ తలఁపుతో వెరచేఁ గాక
(॥వెఱ్ఱి॥)
భావించితే మెత్తువట పరము నీ వియ్యలేవా
నీవాఁడననని నా నేరమే కాక
శ్రీవేంకటేశుఁడ నేను చేరి నీకు శరణంటి
దేవుఁడవై కావఁగా నే దిద్దుకొనేఁ గాక
(||pallavi||)
vĕṭrivām̐ḍa vĕṭrivām̐ḍa viniyum̐ ganiyum̐ mari
vĕṭri dĕlisi rom̐kali verĕ suṭṭem̐ gāga
(||vĕṭri||)
puṭṭiṁchina vāḍavaḍa pūsi nannum̐ bĕṁchalevā
kaṭṭam̐gaḍa nammani nāgaḍame kāga
vŏṭṭi nālo nuṁduvaḍa vŏgim̐ bābamu nāgedi
gaṭṭigām̐ buṇyamu vere kaṭṭugŏnem̐ gāga
(||vĕṭri||)
yeḍanainā nīve yaḍa yĕduḍa nuṁḍam̐galevā
veḍa(ḍĕ?) vĕṭṭi yeḍanai nā vĕdagem̐ gāga
āḍinadĕllā nīvaḍa aṁdulom̐ dappulannavā
vīḍu paḍḍa talam̐pudo vĕrasem̐ gāga
(||vĕṭri||)
bhāviṁchide mĕttuvaḍa paramu nī viyyalevā
nīvām̐ḍananani nā nerame kāga
śhrīveṁkaḍeśhum̐ḍa nenu seri nīgu śharaṇaṁṭi
devum̐ḍavai kāvam̐gā ne diddugŏnem̐ gāga