వెఱ్ఱి మానుప రెవ్వరు వేఁదురు నాయంత విడువదు(ను?)
(॥పల్లవి॥)
వెఱ్ఱి మానుప రెవ్వరు వేఁదురు నాయంత విడువదు(ను?)
ముఱ్ఱఁబాలలోఁ బుట్టిన ముంచిన వెఱ్ఱెయ్యా
(॥వెఱ్ఱి॥)
జగములు రక్షించఁ బాల్పడి సర్వేశ్వరుఁడే వుండఁగ
అగణితుఁ డాతనిశక్తి యల్పముగాఁ దెలిసి
జిగి నా సంసారరక్షణ సేసెదనంచునుఁ దిరిగెద
నగుఁబాట్ల యల్పుఁడ నే నావెఱ్ఱిదేయయ్యా
(॥వెఱ్ఱి॥)
అంతర్యామై దేవుఁడు అటు సుఖదుఃఖము లొసఁగఁగ
అంతయు మనుజులు సేసేరని నేఁ దిరిగితిని
బంతినే నావంటి జీవులబడిఁ దిరిగాడుచుఁ గర్మపు-
దొంతులఁ జిక్కిననా వెఱ్ఱితోడనే యిదేయయ్యా
(॥వెఱ్ఱి॥)
శ్రీవేంకటపతి యెదుటనే చేకొని వరము లొసఁగఁగ
దావతిపడి యితరుల నేఁ దగులుచు నడిగితిని
యీ వేళనే నా గురుఁడును యీ దైవము నిటు చూఁపఁగ
తోవెరిఁగిటు నే బతికితి తొల్లెల్ల వెఱ్ఱినయ్యా
(||pallavi||)
vĕṭri mānuba rĕvvaru vem̐duru nāyaṁta viḍuvadu(nu?)
muṭram̐bālalom̐ buṭṭina muṁchina vĕṭrĕyyā
(||vĕṭri||)
jagamulu rakṣhiṁcham̐ bālbaḍi sarveśhvarum̐ḍe vuṁḍam̐ga
agaṇidum̐ ḍādaniśhakti yalbamugām̐ dĕlisi
jigi nā saṁsārarakṣhaṇa sesĕdanaṁchunum̐ dirigĕda
nagum̐bāṭla yalbum̐ḍa ne nāvĕṭrideyayyā
(||vĕṭri||)
aṁtaryāmai devum̐ḍu aḍu sukhaduḥkhamu lŏsam̐gam̐ga
aṁtayu manujulu seserani nem̐ dirigidini
baṁtine nāvaṁṭi jīvulabaḍim̐ dirigāḍusum̐ garmabu-
dŏṁtulam̐ jikkinanā vĕṭridoḍane yideyayyā
(||vĕṭri||)
śhrīveṁkaḍabadi yĕduḍane segŏni varamu lŏsam̐gam̐ga
dāvadibaḍi yidarula nem̐ dagulusu naḍigidini
yī veḽane nā gurum̐ḍunu yī daivamu niḍu sūm̐pam̐ga
tovĕrim̐giḍu ne badigidi tŏllĕlla vĕṭrinayyā