వెఱ్ఱి దెలిసి మరియు వేఁదురు దవ్వేము నేము
(॥పల్లవి॥)
వెఱ్ఱి దెలిసి మరియు వేఁదురు దవ్వేము నేము
ముఱ్ఱుఁబాల మంకువాఁడ మూలమా శరణు
(॥వెఱ్ఱి॥)
తోలు నెముకలు ముట్టి దోసమంటాఁ దీర్థమాడి
తోలు నెముకల మేనితోడ నున్నాఁడ
వాలిన జీవహింస వద్దని చైతన్యముతో
తేలించి శాకపాకాల దిగమింగేము
(॥వెఱ్ఱి॥)
బూతునఁ బుట్టినందుకు పుణ్యములెల్లాఁ జేసి
బూతుల సంసారమే భోగించేము
పాతకములెల్లాఁ బోను బహుదానము లొసఁగి
ఆతల నొరులఁ బోయి అడిగేము నేము
(॥వెఱ్ఱి॥)
కర్మము లన్నియుఁ దోసి ఘనము క్తిఁ బొందేనంటా
కర్మాచరణములే కడుఁ జేసేము
నిర్మించి శ్రీవేంకటేశ నేరాలు నన్ను నెంచక
ధర్మము దలఁచి నీవే దయఁ జూడవే
(||pallavi||)
vĕṭri dĕlisi mariyu vem̐duru davvemu nemu
muṭrum̐bāla maṁkuvām̐ḍa mūlamā śharaṇu
(||vĕṭri||)
tolu nĕmugalu muṭṭi dosamaṁṭām̐ dīrdhamāḍi
tolu nĕmugala menidoḍa nunnām̐ḍa
vālina jīvahiṁsa vaddani saidanyamudo
teliṁchi śhāgabāgāla digamiṁgemu
(||vĕṭri||)
būdunam̐ buṭṭinaṁdugu puṇyamulĕllām̐ jesi
būdula saṁsārame bhogiṁchemu
pādagamulĕllām̐ bonu bahudānamu lŏsam̐gi
ādala nŏrulam̐ boyi aḍigemu nemu
(||vĕṭri||)
karmamu lanniyum̐ dosi ghanamu ktim̐ bŏṁdenaṁṭā
karmāsaraṇamule kaḍum̐ jesemu
nirmiṁchi śhrīveṁkaḍeśha nerālu nannu nĕṁchaga
dharmamu dalam̐si nīve dayam̐ jūḍave