వేసరితేనే లేదు విచారించితేఁ గద్దు
(॥పల్లవి॥)
వేసరితేనే లేదు విచారించితేఁ గద్దు
మూసినదిదే కీలు ముంచి వివేకులకు
(॥వేస॥)
యెవ్వరు మనసులోన నిందిరేశుఁ దలఁచిన
అవ్వలఁ బాయక వుండు నదియే వైకుంఠము
దవ్వులకు నేఁగవద్దు తపము జపము వద్దు
యివ్వలనిదే కీలు యెరిఁగినవారికి
(॥వేస॥)
నాలుక నెవ్వరైనాను నారాయణుఁ బొగడిన
చాలి యాతఁ డాడనుండు జగములూ నుండును
కాలమూ నడుగవద్దు కర్మమూ నడుగవద్దు
పోలింపనిదే కీలు పుణ్యమానసులకు
(॥వేస॥)
శ్రీవేంకటేశ్వరునిఁ జేరి యెవ్వరు నమ్మినా
కైవసమై యాతఁ డింటఁ గాచుకుండును
సావధానములు వద్దు శరణంటేనే చాలు
భావింపనిదే కీలు పరమయోగులకు
(||pallavi||)
vesaridene ledu visāriṁchidem̐ gaddu
mūsinadide kīlu muṁchi vivegulagu
(||vesa||)
yĕvvaru manasulona niṁdireśhum̐ dalam̐sina
avvalam̐ bāyaga vuṁḍu nadiye vaiguṁṭhamu
davvulagu nem̐gavaddu tabamu jabamu vaddu
yivvalanide kīlu yĕrim̐ginavārigi
(||vesa||)
nāluga nĕvvarainānu nārāyaṇum̐ bŏgaḍina
sāli yādam̐ ḍāḍanuṁḍu jagamulū nuṁḍunu
kālamū naḍugavaddu karmamū naḍugavaddu
poliṁpanide kīlu puṇyamānasulagu
(||vesa||)
śhrīveṁkaḍeśhvarunim̐ jeri yĕvvaru namminā
kaivasamai yādam̐ ḍiṁṭam̐ gāsuguṁḍunu
sāvadhānamulu vaddu śharaṇaṁṭene sālu
bhāviṁpanide kīlu paramayogulagu