(॥పల్లవి॥)
వేసరకు చెలియా వేగమె వచ్చీ నాతఁడు
ఆసల దానే నిన్ను నాదరించీఁ గాని
(॥వేస॥)
వెలవెట్టి కొంటే రాదు వేడుకైన వలపు
తలఁపు కొలఁదినే తగులుఁగాని
బలిమికి లోఁగాదు బాఁతియైన వలపు
చెలఁగి మంచిమాఁటల చేకూడుగాని
(॥వేస॥)
పట్టి తీసితే నబ్బదు బాగైన వలపు
చుట్టపు వరుసనే సొగియుఁగాని
బట్టబయటను లేదు పాదుకొన్న వలపు
దట్టపు వినయాలనే తలకొనుఁగాని
(॥వేస॥)
వొడిఁబెట్టితే నుండదు వుదుటైన వలపు
వుడివోని రతులనే వొద్దికౌఁగాని
యెడయక శ్రీవేంకటేశుఁ డిదె నిన్ను నేలె
విడువ కిట్ల నుంటే వినోదయౌఁగాని
(||pallavi||)
vesaragu sĕliyā vegamĕ vachchī nādam̐ḍu
āsala dāne ninnu nādariṁchīm̐ gāni
(||vesa||)
vĕlavĕṭṭi kŏṁṭe rādu veḍugaina valabu
talam̐pu kŏlam̐dine tagulum̐gāni
balimigi lom̐gādu bām̐tiyaina valabu
sĕlam̐gi maṁchimām̐ṭala segūḍugāni
(||vesa||)
paṭṭi tīside nabbadu bāgaina valabu
suṭṭabu varusane sŏgiyum̐gāni
baṭṭabayaḍanu ledu pādugŏnna valabu
daṭṭabu vinayālane talagŏnum̐gāni
(||vesa||)
vŏḍim̐bĕṭṭide nuṁḍadu vuduḍaina valabu
vuḍivoni radulane vŏddigaum̐gāni
yĕḍayaga śhrīveṁkaḍeśhum̐ ḍidĕ ninnu nelĕ
viḍuva kiṭla nuṁṭe vinodayaum̐gāni