(॥పల్లవి॥)
వేసంగికాలమున వేడ్క సలుపు (లిపె?)
శ్రీసతియు భూసతియుఁ జేరి కలయఁగను
(॥వేసంగి॥)
మెఱయు శశికాంతంపు మేడలోపలను
ఆఱిమురి కప్రంపుటరుగుమీఁద
తఱచు వాసనల గందపుఁగోళ్ళ మంచమున
పఱచిఁగుంకమపవ్వు పరపు మీఁద
(॥వేసంగి॥)
చలువైన కురువేరు చప్పరములోఁబన్ని
తలకొన్న వట్టివేళ్ళ దడియుఁ గట్టి
మెలుపుఁ జెంగలువలయ మేలుకట్లమరించి
మలసిశేవంతి చామరలు వీవఁగను
(॥వేసంగి॥)
పన్నీటి తిత్తులే పై మంచు గురియఁగా
వన్నె తామర నూలి వలువగట్టి
యెన్నఁగల శ్రీ వేంకటేశ్వరుఁడు రతి సలిపె
వెన్నెల రసము చాల వెదచల్లఁగాను
(||pallavi||)
vesaṁgigālamuna veḍka salubu (libĕ?)
śhrīsadiyu bhūsadiyum̐ jeri kalayam̐ganu
(||vesaṁgi||)
mĕṟayu śhaśhigāṁtaṁpu meḍalobalanu
āṟimuri kapraṁpuḍarugumīm̐da
taṟasu vāsanala gaṁdabum̐goḽḽa maṁchamuna
paṟasim̐guṁkamabavvu parabu mīm̐da
(||vesaṁgi||)
saluvaina kuruveru sapparamulom̐banni
talagŏnna vaṭṭiveḽḽa daḍiyum̐ gaṭṭi
mĕlubum̐ jĕṁgaluvalaya melugaṭlamariṁchi
malasiśhevaṁti sāmaralu vīvam̐ganu
(||vesaṁgi||)
pannīḍi tittule pai maṁchu guriyam̐gā
vannĕ tāmara nūli valuvagaṭṭi
yĕnnam̐gala śhrī veṁkaḍeśhvarum̐ḍu radi salibĕ
vĕnnĕla rasamu sāla vĕdasallam̐gānu