(॥పల్లవి॥)
వేఱొకచోట లేఁడు వీఁడివో హరి
వీఱిడియై చేరువనే వీఁడివో హరి
(॥వేఱొ॥)
మునుకొని వెదకితే ముక్కునూర్పు గాలికొన
వెనవెనకఁ దిరిగీ వీఁడివో హరి
పెనఁగి వెదకఁబోతే పెడచెవుల మంత్రమై
వినవచ్చీ మాటలలో వీఁడివో హరి
(॥వేఱొ॥)
సోదించి వెదకితేను చూపులకొనలనే
వీదుల నెందు చూచినా వీఁడివో హరి
అదిగొని వెదకితే నట్టే నాలికకొన
వేదమై నిలిచినాఁడు వీఁడివో హరి
(॥వేఱొ॥)
తెలిసి వెదకఁబోతే దేహపు టంతరాత్మయై
వెలుపలా లోపలాను వీఁడివో హరి
చెలఁగి శ్రీవేంకటాద్రిఁ జేకొని మమ్ము రక్షించ
వెలసె నిందరుఁ జూడ వీఁడివో హరి
(||pallavi||)
veṟŏgasoḍa lem̐ḍu vīm̐ḍivo hari
vīṟiḍiyai seruvane vīm̐ḍivo hari
(||veṟŏ||)
munugŏni vĕdagide mukkunūrbu gāligŏna
vĕnavĕnagam̐ dirigī vīm̐ḍivo hari
pĕnam̐gi vĕdagam̐bode pĕḍasĕvula maṁtramai
vinavachchī māḍalalo vīm̐ḍivo hari
(||veṟŏ||)
sodiṁchi vĕdagidenu sūbulagŏnalane
vīdula nĕṁdu sūsinā vīm̐ḍivo hari
adigŏni vĕdagide naṭṭe nāligagŏna
vedamai nilisinām̐ḍu vīm̐ḍivo hari
(||veṟŏ||)
tĕlisi vĕdagam̐bode dehabu ṭaṁtarātmayai
vĕlubalā lobalānu vīm̐ḍivo hari
sĕlam̐gi śhrīveṁkaḍādrim̐ jegŏni mammu rakṣhiṁcha
vĕlasĕ niṁdarum̐ jūḍa vīm̐ḍivo hari