వేరే నేము సేసేటి విన్నపము లేమున్నవి
(॥పల్లవి॥)
వేరే నేము సేసేటి విన్నపము లేమున్నవి
చేరి నీవే జవరాలిఁ జిత్తగించవయ్యా
(॥వేరే॥)
జలజలరాలీని సతికొప్పున విరులు
సెలవులఁ జిందీని చిరునవ్వులు
నిలువున వడీసీని నిండాఁ బెఁజెమటలు
కలికివలపు నీవే కనుఁగొనవయ్యా
(॥వేరే॥)
ముక్కున నిట్టూర్పులు మునుకొని నిగుడీని
చెక్కులపైఁ బులకలు చిమ్మిఁరేగీని
జక్కవచన్నుల మీఁద జారీఁ బయ్యద కొంగు
పక్కన నీమనసారఁ బలికించవయ్యా
(॥వేరే॥)
తేటలుగా బెదవిపైఁ దేనియ లూరీని
కోటిసేయ మోమున సిగ్గులు మించీని
యీటున శ్రీవేంకటేశ యీకె యలమేల్మంగ
గాఁటానఁ గూడితి విట్టే కరుణించవయ్యా
(||pallavi||)
vere nemu seseḍi vinnabamu lemunnavi
seri nīve javarālim̐ jittagiṁchavayyā
(||vere||)
jalajalarālīni sadigŏppuna virulu
sĕlavulam̐ jiṁdīni sirunavvulu
niluvuna vaḍīsīni niṁḍām̐ bĕm̐jĕmaḍalu
kaligivalabu nīve kanum̐gŏnavayyā
(||vere||)
mukkuna niṭṭūrbulu munugŏni niguḍīni
sĕkkulabaim̐ bulagalu simmim̐regīni
jakkavasannula mīm̐da jārīm̐ bayyada kŏṁgu
pakkana nīmanasāram̐ baligiṁchavayyā
(||vere||)
teḍalugā bĕdavibaim̐ deniya lūrīni
koḍiseya momuna siggulu miṁchīni
yīḍuna śhrīveṁkaḍeśha yīgĕ yalamelmaṁga
gām̐ṭānam̐ gūḍidi viṭṭe karuṇiṁchavayyā