(॥పల్లవి॥)
వెరతుమయ్య చూపు వేఁటకాడ
తరితీపు సేసి మమ్మింతటనె యేఁచేవు
(॥వెరతు॥)
ఉంటవింటఁ గప్పురాన నుబ్బి నన్ను నేసేవు
యింటి వారెవ్వరుంటా యెరఁగవు
కంటిమి నీ యదలింపు కరఁగి నేఁబై కొన్న
వెంట వెంటఁ దిరిగాడి వెతలఁ బెట్టేవు
(॥వెరతు॥)
పేలరివై యేడనైనాఁ బేరుకొని పిలిచేవు
యేలిన వారెవ్వరంటా నెఱఁగవు
తాలిమి మీరఁగ నీ చిత్తములో మెలఁగఁగ
కాలూఁదనియ్యక యింత కాఁకలఁ బెట్టేవు
(॥వెరతు॥)
కొప్పులోని విరులు చెక్కుల జారఁ జెనకేవు
యెప్పుడైనా నెవ్వరుంటా నెఱఁగవు
కప్పకుర చెఱఁగు వేంకటరాయ చెమటలఁ
దొప్పఁదోఁగి యెవ్వతో పొందులకు నేఁగితివి
(||pallavi||)
vĕradumayya sūbu vem̐ṭagāḍa
taridību sesi mammiṁtaḍanĕ yem̐sevu
(||vĕradu||)
uṁṭaviṁṭam̐ gappurāna nubbi nannu nesevu
yiṁṭi vārĕvvaruṁṭā yĕram̐gavu
kaṁṭimi nī yadaliṁpu karam̐gi nem̐bai kŏnna
vĕṁṭa vĕṁṭam̐ dirigāḍi vĕdalam̐ bĕṭṭevu
(||vĕradu||)
pelarivai yeḍanainām̐ berugŏni pilisevu
yelina vārĕvvaraṁṭā nĕṟam̐gavu
tālimi mīram̐ga nī sittamulo mĕlam̐gam̐ga
kālūm̐daniyyaga yiṁta kām̐kalam̐ bĕṭṭevu
(||vĕradu||)
kŏppuloni virulu sĕkkula jāram̐ jĕnagevu
yĕppuḍainā nĕvvaruṁṭā nĕṟam̐gavu
kappagura sĕṟam̐gu veṁkaḍarāya sĕmaḍalam̐
dŏppam̐dom̐gi yĕvvado pŏṁdulagu nem̐gidivi