వెఱతు వెఱతు నిండువేడుకపడ నిట్టి
(॥పల్లవి॥)
వెఱతు వెఱతు నిండువేడుకపడ నిట్టి-
కుఱుచబుద్ధుల నెట్టు గూడుదునయ్య
(॥వెఱ॥)
దేహమిచ్చినవానిఁ దివిరి చంపెడువాఁడు
ద్రోహిగాక నేఁడు దొరయట
ఆహికముగ నిట్టి అధమవ్రిత్తికి నే
సాహమున నెట్టు చాలుదునయ్య
(॥వెఱ॥)
తోడఁబుట్టినవాని తొడరి చంపెడువాఁడు
చూడ దుష్టుఁడుగాక సుకృతియట
పాడైనయిటువంటిపాపబుద్దులుసేసి
నీడ నిలువ నెట్టు నేరుతునయ్య
(॥వెఱ॥)
కొడుకు నున్నతమతిఁ గోరి చంపెడువాఁడు
కడుఁబాతకుఁడుగాక ఘనుఁడట
కడలేనియటువంటికలుషవ్రిత్తికి నాత్మ
వొడఁబరపఁగ నెట్లోపుదునయ్య
(॥వెఱ॥)
తల్లిఁ జంపెడువాఁడు తలఁప దుష్టుఁడుగాక
యెల్లవారల కెల్ల నెక్కుడట
కల్లరియనుచు లోకము రోయుపని యిది
చెల్లఁబోనే నేనేమి సేయుదునయ్య
(॥వెఱ॥)
యింటివేలుపు వేంకటేశ్వరుఁ దనవెంట-
వెంటఁదిప్పెడువాఁడు విభుఁడట
దంటనై యాతనిదాసానుదాసినై
వొంటినుండెద నేమి నొల్లనోయయ్య
(||pallavi||)
vĕṟadu vĕṟadu niṁḍuveḍugabaḍa niṭṭi-
kuṟusabuddhula nĕṭṭu gūḍudunayya
(||vĕṟa||)
dehamichchinavānim̐ diviri saṁpĕḍuvām̐ḍu
drohigāga nem̐ḍu dŏrayaḍa
āhigamuga niṭṭi adhamavrittigi ne
sāhamuna nĕṭṭu sāludunayya
(||vĕṟa||)
toḍam̐buṭṭinavāni tŏḍari saṁpĕḍuvām̐ḍu
sūḍa duṣhṭum̐ḍugāga sukṛtiyaḍa
pāḍainayiḍuvaṁṭibābabuddulusesi
nīḍa niluva nĕṭṭu nerudunayya
(||vĕṟa||)
kŏḍugu nunnadamadim̐ gori saṁpĕḍuvām̐ḍu
kaḍum̐bādagum̐ḍugāga ghanum̐ḍaḍa
kaḍaleniyaḍuvaṁṭigaluṣhavrittigi nātma
vŏḍam̐barabam̐ga nĕṭlobudunayya
(||vĕṟa||)
tallim̐ jaṁpĕḍuvām̐ḍu talam̐pa duṣhṭum̐ḍugāga
yĕllavārala kĕlla nĕkkuḍaḍa
kallariyanusu logamu royubani yidi
sĕllam̐bone nenemi seyudunayya
(||vĕṟa||)
yiṁṭivelubu veṁkaḍeśhvarum̐ danavĕṁṭa-
vĕṁṭam̐dippĕḍuvām̐ḍu vibhum̐ḍaḍa
daṁṭanai yādanidāsānudāsinai
vŏṁṭinuṁḍĕda nemi nŏllanoyayya