వెరపు దెలుపు నీ వేగిరిమే నీ
(॥పల్లవి॥)
వెరపు దెలుపు నీ వేగిరిమే నీ
వెఱిఁగియు నెఱఁగక యేమంటివో
(॥వెరపు॥)
గోరపురుధిరము గురియు గోళ్ళ నీ
తోరమైన యా తొడమీఁద
గోరంటగోళ్ళ కోమలి నిలువఁగ
ఈరసమందక యేమంటివో
(॥వెరపు॥)
నెత్తురుఁ బెదవుల నీ మొకమలరఁగ
బిత్తరి వీడెపుఁ బెదవులతో
మత్తకరిగమన మాటలాడఁగా
ఎత్తిన మదమున నేమంటినో
(॥వెరపు॥)
ఆననరౌద్రము నట్టహాసమును
పూనిన నినుఁగని బొమముడితో
లేనగవుల నదలింపెడి సిరితో
హీనాధికముల నేమంటివో
(॥వెరపు॥)
పెద పెద యూర్పుల పేగుల జందెపు
టుదరముతో నీవుండుచును
చెదరిన పయ్యెద చెరఁగు జారుసతి
యెదురెదురను నీవేమంటివో
(॥వెరపు॥)
చింప నెరుల నీ శిరసు ముడుచుకొని
కంపముడిగి వేంకటపతివై
లంపటమందుచు లక్ష్మీసతితో
ఇంపులు నెరపుచు నేమంటివో
(||pallavi||)
vĕrabu dĕlubu nī vegirime nī
vĕṟim̐giyu nĕṟam̐gaga yemaṁṭivo
(||vĕrabu||)
goraburudhiramu guriyu goḽḽa nī
toramaina yā tŏḍamīm̐da
goraṁṭagoḽḽa komali niluvam̐ga
īrasamaṁdaga yemaṁṭivo
(||vĕrabu||)
nĕtturum̐ bĕdavula nī mŏgamalaram̐ga
bittari vīḍĕbum̐ bĕdavulado
mattagarigamana māḍalāḍam̐gā
ĕttina madamuna nemaṁṭino
(||vĕrabu||)
ānanaraudramu naṭṭahāsamunu
pūnina ninum̐gani bŏmamuḍido
lenagavula nadaliṁpĕḍi sirido
hīnādhigamula nemaṁṭivo
(||vĕrabu||)
pĕda pĕda yūrbula pegula jaṁdĕbu
ṭudaramudo nīvuṁḍusunu
sĕdarina payyĕda sĕram̐gu jārusadi
yĕdurĕduranu nīvemaṁṭivo
(||vĕrabu||)
siṁpa nĕrula nī śhirasu muḍusugŏni
kaṁpamuḍigi veṁkaḍabadivai
laṁpaḍamaṁdusu lakṣhmīsadido
iṁpulu nĕrabusu nemaṁṭivo