వెఱపించఁ బోయి మరి వెఱచినట్టయ్యీఁ జుమ్మీ
(॥పల్లవి॥)
వెఱపించఁ బోయి మరి వెఱచినట్టయ్యీఁ జుమ్మీ
నెఱి నాతోడి యలుక నీతిగాదు సుమ్మీ
(॥వెఱ॥)
మోనముతో నుండే వేమె ముదిత నీమాట లెల్ల
నాని నాని మొలచీఁ గనక లోలోనె
ఆనకమై నవ్వ వేమె అంగన నీనగవులు
వూని నీకుత్తికెలోన వుక్కిపోవుఁ జుమ్మీ
(॥వెఱ॥)
ధీరతఁ జూడ వదేమె తెరవ నీకనుచూపు
కేరి యిమ్ముచాలక కిక్కిరిసీఁ జుమ్మీ
మారుమోమయ్యే వదేమె మగువ నీమోము కళలు
పేరడై వొక్కచోటనె పెంటలయ్యీఁ జుమ్మీ
(॥వెఱ॥)
వుసురనే వప్పుడేమె వువిద నాకాఁగిటిలో
వుసురు నీచనుఁగొండ లోడీఁ జుమ్మీ
నసల శ్రీ వెంకటేశుఁడ నారతిమై మఱచేవు
కనుగాటై నీమోవి గంటివడుఁ జుమ్మీ
(||pallavi||)
vĕṟabiṁcham̐ boyi mari vĕṟasinaṭṭayyīm̐ jummī
nĕṟi nādoḍi yaluga nīdigādu summī
(||vĕṟa||)
monamudo nuṁḍe vemĕ mudida nīmāḍa lĕlla
nāni nāni mŏlasīm̐ ganaga lolonĕ
ānagamai navva vemĕ aṁgana nīnagavulu
vūni nīguttigĕlona vukkibovum̐ jummī
(||vĕṟa||)
dhīradam̐ jūḍa vademĕ tĕrava nīganusūbu
keri yimmusālaga kikkirisīm̐ jummī
mārumomayye vademĕ maguva nīmomu kaḽalu
peraḍai vŏkkasoḍanĕ pĕṁṭalayyīm̐ jummī
(||vĕṟa||)
vusurane vappuḍemĕ vuvida nāgām̐giḍilo
vusuru nīsanum̐gŏṁḍa loḍīm̐ jummī
nasala śhrī vĕṁkaḍeśhum̐ḍa nāradimai maṟasevu
kanugāḍai nīmovi gaṁṭivaḍum̐ jummī