(॥పల్లవి॥)
వెన్నెలల బయట వేడుకకాఁడ
యిన్నేసి లాగుల నెలయించితిగా వోరి
(॥వెన్నె॥)
నగుతానె సారెసారె నాతో నీవింతేసి
పగటులు నెరుపేవు బాపురా
తెగి నిన్నుఁ జూడలేను తెమలకుండఁగలేను
సగము బీరము నాపైఁ జల్లితిగావోరి
(॥వెన్నె॥)
నయమున నిట్లనె నన్నుఁ గడుఁ గరఁగించి
బయ లీఁదించం జూచేవు బాపురా
నియమించలేను నిన్ను నిమిష మెడయలేను
ప్రియము భయము నాపైఁ బెట్టితిగా వోరి
(॥వెన్నె॥)
తక్కులనే పెట్టి పెట్టి తనివి దీరని నీ
పక్కఁబాయ నియ్యవైతి బాపురా
చక్కని వేంకటగిరిస్వామి నీపాదాలకే
మొక్కఁగానే యింపులు ముంచితిగావోరి
(||pallavi||)
vĕnnĕlala bayaḍa veḍugagām̐ḍa
yinnesi lāgula nĕlayiṁchidigā vori
(||vĕnnĕ||)
nagudānĕ sārĕsārĕ nādo nīviṁtesi
pagaḍulu nĕrubevu bāburā
tĕgi ninnum̐ jūḍalenu tĕmalaguṁḍam̐galenu
sagamu bīramu nābaim̐ jallidigāvori
(||vĕnnĕ||)
nayamuna niṭlanĕ nannum̐ gaḍum̐ garam̐giṁchi
baya līm̐diṁchaṁ jūsevu bāburā
niyamiṁchalenu ninnu nimiṣha mĕḍayalenu
priyamu bhayamu nābaim̐ bĕṭṭidigā vori
(||vĕnnĕ||)
takkulane pĕṭṭi pĕṭṭi tanivi dīrani nī
pakkam̐bāya niyyavaidi bāburā
sakkani veṁkaḍagirisvāmi nībādālage
mŏkkam̐gāne yiṁpulu muṁchidigāvori