వెన్నముద్దకృష్ణుఁడు వేవేల చేఁతలవాఁడు
(॥పల్లవి॥)
వెన్నముద్దకృష్ణుఁడు వేవేల చేఁతలవాఁడు
పిన్నవాఁడై వున్నవాఁడు బిరుదైన బాలుఁడు
(॥వెన్న॥)
బాలెంత చన్ను గుడిచి బండి విరుగఁగఁ దన్ని
గాలి రక్కసుని ములుగఁగ మోఁది
రోలఁగట్టువడి యట్టె రూఢిగా మద్దిమాఁకులఁ
గూల దొబ్బె తొల్లి వీఁడె గుట్టు తోడి బాలుఁడు
(॥వెన్న॥)
కొండ గొడుగుగఁ బట్టి గోకులమునెల్లఁ గాచి
మెండగు గొల్లెతలతో మేల మాడి
అండనే నోరు దెరచి యశోదకు లోకములు
దండిగాఁ జూపె నితఁడె దంటయైన బాలుఁడు
(॥వెన్న॥)
పరమేష్ఠికి మారొడ్డి పసి బాలకులఁ దెచ్చి
ధరఁ బదారు వేలు కాంతలఁబెండ్లాడి
ఇరవై శ్రీ వేంకటాద్రి నిందరికి వరాలిచ్చి
సిరితో వెలసె నిదే చెలువపు బాలుఁడు
(||pallavi||)
vĕnnamuddakṛṣhṇum̐ḍu vevela sem̐talavām̐ḍu
pinnavām̐ḍai vunnavām̐ḍu birudaina bālum̐ḍu
(||vĕnna||)
bālĕṁta sannu guḍisi baṁḍi virugam̐gam̐ danni
gāli rakkasuni mulugam̐ga mom̐di
rolam̐gaṭṭuvaḍi yaṭṭĕ rūḍhigā maddimām̐kulam̐
gūla dŏbbĕ tŏlli vīm̐ḍĕ guṭṭu toḍi bālum̐ḍu
(||vĕnna||)
kŏṁḍa gŏḍugugam̐ baṭṭi gogulamunĕllam̐ gāsi
mĕṁḍagu gŏllĕdalado mela māḍi
aṁḍane noru dĕrasi yaśhodagu logamulu
daṁḍigām̐ jūbĕ nidam̐ḍĕ daṁṭayaina bālum̐ḍu
(||vĕnna||)
parameṣhṭhigi mārŏḍḍi pasi bālagulam̐ dĕchchi
dharam̐ badāru velu kāṁtalam̐bĕṁḍlāḍi
iravai śhrī veṁkaḍādri niṁdarigi varālichchi
sirido vĕlasĕ nide sĕluvabu bālum̐ḍu