వెన్న చేఁతబట్టుకొని వేఁడనేలే నేతికి
(॥పల్లవి॥)
వెన్న చేఁతబట్టుకొని వేఁడనేలే నేతికి
కన్నుచూపుల నతని గంపఁ గమ్మనేరవా
(॥వెన్న॥)
చేరి చేయిచేఁత బట్టి సిగ్గున బాసడిగేవు
పోరచి నీవిభుఁడెందు వోయీనే యింక
సారెకు నీపయ్యదలో చన్నులు దాఁచినట్టు
తారసిల్లి రమణుని దాఁచనేరవా
(॥వెన్న॥)
వొంటిఁ జిక్కించుక నీవు వొట్టు వెట్టుకొమ్మనేవు
దంటయై వేరొకతెను తగిలీనట్టే
గంటువేసి పోఁకముడి గట్టిగాఁ గట్టినయట్టు
వొంటిగాకుండా నాతని వొడిఁగట్టనేరవా
(॥వెన్న॥)
మొక్కలానఁ గాఁగిలించి మోవిముద్రలు వెట్టేవు
వెక్కసా శ్రీవేంకటగోవిందుఁడు నీకు
వొక్కమాటే కంఠహారమురమునఁ గట్టినట్టు
చక్కని నీమేనితోడ జంటసేయ నేరవా
(||pallavi||)
vĕnna sem̐tabaṭṭugŏni vem̐ḍanele nedigi
kannusūbula nadani gaṁpam̐ gammaneravā
(||vĕnna||)
seri seyisem̐ta baṭṭi sigguna bāsaḍigevu
porasi nīvibhum̐ḍĕṁdu voyīne yiṁka
sārĕgu nībayyadalo sannulu dām̐sinaṭṭu
tārasilli ramaṇuni dām̐saneravā
(||vĕnna||)
vŏṁṭim̐ jikkiṁchuga nīvu vŏṭṭu vĕṭṭugŏmmanevu
daṁṭayai verŏgadĕnu tagilīnaṭṭe
gaṁṭuvesi pom̐kamuḍi gaṭṭigām̐ gaṭṭinayaṭṭu
vŏṁṭigāguṁḍā nādani vŏḍim̐gaṭṭaneravā
(||vĕnna||)
mŏkkalānam̐ gām̐giliṁchi movimudralu vĕṭṭevu
vĕkkasā śhrīveṁkaḍagoviṁdum̐ḍu nīgu
vŏkkamāḍe kaṁṭhahāramuramunam̐ gaṭṭinaṭṭu
sakkani nīmenidoḍa jaṁṭaseya neravā