(॥పల్లవి॥)
వెన్న చేతఁబట్టి నేయి వెదకనేలా
యిన్నిటా నెంచి చూచితే నిదియే వివేకము
(॥వెన్న॥)
నీ దాసులున్నచోట నిత్యవైకుంఠ మిదె
వేదతో వేరొక చోట వెదకనేలా
ఆదిగొని వారిరూపు లవియే నీరూపులు
పోది నిన్ను మదిఁ దలపోయనేలా
(॥వెన్న॥)
వారలతోడి మాటలు వడి వేదాంతపఠన
సారె వట్టిచదువులు చదువనేల
చేరి వారికరుణే నీ చేపట్టిన మన్ననలు
కోరి యింతకంటే మిమ్ముఁ గొసరనేలా
(॥వెన్న॥)
నావిన్నపము నిదె నారదశుకాదులును
యీవిధముననే ఆనతిచ్చినారు
శ్రీవేంకటేశ నీవు చేపట్టిన దాసులకు
కైవశమౌ యీబుద్ధి కడమేలా
(||pallavi||)
vĕnna sedam̐baṭṭi neyi vĕdaganelā
yinniḍā nĕṁchi sūside nidiye vivegamu
(||vĕnna||)
nī dāsulunnasoḍa nityavaiguṁṭha midĕ
vedado verŏga soḍa vĕdaganelā
ādigŏni vārirūbu laviye nīrūbulu
podi ninnu madim̐ dalaboyanelā
(||vĕnna||)
vāraladoḍi māḍalu vaḍi vedāṁtabaṭhana
sārĕ vaṭṭisaduvulu saduvanela
seri vārigaruṇe nī sebaṭṭina mannanalu
kori yiṁtagaṁṭe mimmum̐ gŏsaranelā
(||vĕnna||)
nāvinnabamu nidĕ nāradaśhugādulunu
yīvidhamunane ānadichchināru
śhrīveṁkaḍeśha nīvu sebaṭṭina dāsulagu
kaivaśhamau yībuddhi kaḍamelā