వెనక ముందరికిఁ బెద్దలకెల్లను వివరపు సమ్మతి యీ వెరవు
(॥పల్లవి॥)
వెనక ముందరికిఁ బెద్దలకెల్లను వివరపు సమ్మతి యీ వెరవు
వెనుకొని తన గురునాథుని యనుమతి వేదోక్తంబగు నీ తెరువు
(॥వెన॥)
కనకాసక్తుఁడు గాకుండుట మది కైవల్యమునకు నొకతెరువు
వనితల భ్రమలను వలలఁ దగులని మది వైకుంఠమునకు నొకతెరువు
మునుకొపముఁ బెడఁబాసిన మతి మోక్షంబునకును నొకతెరువు
యెనసి యిందుప హరిఁదలఁచినమతి యిన్నిటికెక్కుడు యీ తెరువు
(॥వెన॥)
నిరతి విషయముల నణఁచిన దృఢమతి నిశ్శ్రేయమున కొకతెరువు
విరతితోడ నెలవై నమతి విభవపుఁ బరమున కొకతెరువు
వెరపున నిందరిమీఁదటిసమమతి విష్ణులోకమున కొకతెరువు
యిరవెరిఁ గంతట హరి నమ్మినమతి యిన్నిటి కెక్కుడు యీ తెరువు
(॥వెన॥)
పన్నినకోరిక తెగఁగోసినమతి పరమపదమునకు నొకతెరువు
వున్న విచారములుడిగించినమతి వున్నతపదమున కొకతెరువు
సన్నుతి భగవద్దాసుల దాస్యమె చలమతి ముక్తికి నొకెతెరువు
యిన్నిట శ్రీవేంకటపతిశరణమె హితమతి నెక్కుడు యీ తెరువు
(||pallavi||)
vĕnaga muṁdarigim̐ bĕddalagĕllanu vivarabu sammadi yī vĕravu
vĕnugŏni tana gurunāthuni yanumadi vedoktaṁbagu nī tĕruvu
(||vĕna||)
kanagāsaktum̐ḍu gāguṁḍuḍa madi kaivalyamunagu nŏgadĕruvu
vanidala bhramalanu valalam̐ dagulani madi vaiguṁṭhamunagu nŏgadĕruvu
munugŏbamum̐ bĕḍam̐bāsina madi mokṣhaṁbunagunu nŏgadĕruvu
yĕnasi yiṁduba harim̐dalam̐sinamadi yinniḍigĕkkuḍu yī tĕruvu
(||vĕna||)
niradi viṣhayamula naṇam̐sina dṛḍhamadi niśhśhreyamuna kŏgadĕruvu
viradidoḍa nĕlavai namadi vibhavabum̐ baramuna kŏgadĕruvu
vĕrabuna niṁdarimīm̐daḍisamamadi viṣhṇulogamuna kŏgadĕruvu
yiravĕrim̐ gaṁtaḍa hari namminamadi yinniḍi kĕkkuḍu yī tĕruvu
(||vĕna||)
panninagoriga tĕgam̐gosinamadi paramabadamunagu nŏgadĕruvu
vunna visāramuluḍigiṁchinamadi vunnadabadamuna kŏgadĕruvu
sannudi bhagavaddāsula dāsyamĕ salamadi muktigi nŏgĕdĕruvu
yinniḍa śhrīveṁkaḍabadiśharaṇamĕ hidamadi nĕkkuḍu yī tĕruvu