వేఁటకాఁడనంటా నా వెంటఁ బాయవు వోరి
(॥పల్లవి॥)
వేఁటకాఁడనంటా నా వెంటఁ బాయవు వోరి
చీటకపు చెంచెత నాచేతి లాగెరఁగవా
(॥వేఁట॥)
పొదలో నేనేసిన పులి నీవేసితినని
పెదపెద్ద యెలుగుఁల బెదరించేవు
కుదురుగుబ్బల నిన్నుఁ గుమ్ముదునో వుండేవో మేను
చిదియఁగా మేటిచెంచెత నన్నెఱఁగవా
(॥వేఁట॥)
చేరువ నామోఁటునఁ జేరిన నామెకముల
నేరుపరినంటా నీవునేసేవు
జీరలుగా కొమ్ము గోరఁ జింతుతో వూరకుండేవో
పేరుకల చెంచెత నాబిరుదులెరఁగవా
(॥వేఁట॥)
చొల్లెపు చుట్టలతోడ చూపులకు నడ్డాలు
చెల్లునంటా వచ్చి చెట్టవట్టేవు
నొల్లననఁగా గూడేవు వుద్దండపు వేంకటేశ
జల్లివింటి చెంచెత నాచలములెరఁగవా
(||pallavi||)
vem̐ṭagām̐ḍanaṁṭā nā vĕṁṭam̐ bāyavu vori
sīḍagabu sĕṁchĕda nāsedi lāgĕram̐gavā
(||vem̐ṭa||)
pŏdalo nenesina puli nīvesidinani
pĕdabĕdda yĕlugum̐la bĕdariṁchevu
kudurugubbala ninnum̐ gummuduno vuṁḍevo menu
sidiyam̐gā meḍisĕṁchĕda nannĕṟam̐gavā
(||vem̐ṭa||)
seruva nāmom̐ṭunam̐ jerina nāmĕgamula
nerubarinaṁṭā nīvunesevu
jīralugā kŏmmu goram̐ jiṁtudo vūraguṁḍevo
perugala sĕṁchĕda nābirudulĕram̐gavā
(||vem̐ṭa||)
sŏllĕbu suṭṭaladoḍa sūbulagu naḍḍālu
sĕllunaṁṭā vachchi sĕṭṭavaṭṭevu
nŏllananam̐gā gūḍevu vuddaṁḍabu veṁkaḍeśha
jalliviṁṭi sĕṁchĕda nāsalamulĕram̐gavā