వేఁకునఁ దిరుపళచ్చి విష్ణునికిఁ జేయరో
(॥పల్లవి॥)
వేఁకునఁ దిరుపళచ్చి విష్ణునికిఁ జేయరో
ఆఁకటి కొదగినట్టి ఆరగింపులు
(॥వేఁకు॥)
అతి బ్రహ్మాండాలు గుక్షి నటు ధరించినయట్టి-
అతనికిఁ జేయరో ఆరగింపులు
ప్రతిలేని క్షీరాబ్ధిఁ బవళించి లేచినట్టి-
చతురునికిఁ జేయరో చవి నారగింపులు
(॥వేఁకు॥)
యేడుదినములదాఁకా నెత్తెను గోవర్ధనము
ఆడివచ్చే బాలునికి నారగింపులు
మేడెపు గోపికలతో మిక్కిలిఁ బెనఁగినట్టి-
వేడుకకానికిఁ దేరో విందు లారగింపులు
(॥వేఁకు॥)
పట్టపుదేవుళ్లుఁ దాను బంతి సాగి వున్నవాఁడు
అట్టె సేయరో పులుఁగ మారగింపులు
నెట్టన శ్రీవేంకటాద్రినిలయుఁ డారగించీని
మట్టులేక వడ్డించరో మంచి యారగింపులు
(||pallavi||)
vem̐kunam̐ dirubaḽachchi viṣhṇunigim̐ jeyaro
ām̐kaḍi kŏdaginaṭṭi āragiṁpulu
(||vem̐ku||)
adi brahmāṁḍālu gukṣhi naḍu dhariṁchinayaṭṭi-
adanigim̐ jeyaro āragiṁpulu
pradileni kṣhīrābdhim̐ bavaḽiṁchi lesinaṭṭi-
sadurunigim̐ jeyaro savi nāragiṁpulu
(||vem̐ku||)
yeḍudinamuladām̐kā nĕttĕnu govardhanamu
āḍivachche bālunigi nāragiṁpulu
meḍĕbu gobigalado mikkilim̐ bĕnam̐ginaṭṭi-
veḍugagānigim̐ dero viṁdu lāragiṁpulu
(||vem̐ku||)
paṭṭabudevuḽlum̐ dānu baṁti sāgi vunnavām̐ḍu
aṭṭĕ seyaro pulum̐ga māragiṁpulu
nĕṭṭana śhrīveṁkaḍādrinilayum̐ ḍāragiṁchīni
maṭṭulega vaḍḍiṁcharo maṁchi yāragiṁpulu