వెలుపలెల్ల తనలోను గాక తను విడువదు వెడమాయా
(॥పల్లవి॥)
వెలుపలెల్ల తనలోను గాక తను విడువదు వెడమాయా
నలువున యోగీంద్రులెల్ల మును నడచిన మార్గంబు
(॥వెలు॥)
జీవము నిర్జీవముగాక సిద్ధించదు పరము
వావులెల్ల నొకవావిగాక మఱీ వదలదు ప్రపంచము
భావంబెల్ల నభావముగాక పాయదు కర్మంబు
దైవజ్ఞులు మును నడచి రిదియపో తప్పనిమార్గంబు
(॥వెలు॥)
మాటలెల్లఁ గడమాటలుగాక మాయదు మలినంబు
కూటంబులు కాలకూటంబుగాక కొనకెక్కదు భవము
చాటుఁదృష్ణ లగచాటునఁబడక చాలదు సౌఖ్యంబు
తేటగా మును పెద్ద లివియపో తేర్చినమార్గంబు
(॥వెలు॥)
గుణములెల్ల నిర్గుణముగాక తలకూడదు శాంతంబు
అనువున కనువై అంతయుఁ దాగాక ఆనందము లేదు
ప్రణుతింపఁగ శ్రీవేంకటరమణుని బహుళమహిమెల్లా
గణనకెక్కఁగా పురాతనులు మును కడకట్టినమతము
(||pallavi||)
vĕlubalĕlla tanalonu gāga tanu viḍuvadu vĕḍamāyā
naluvuna yogīṁdrulĕlla munu naḍasina mārgaṁbu
(||vĕlu||)
jīvamu nirjīvamugāga siddhiṁchadu paramu
vāvulĕlla nŏgavāvigāga maṟī vadaladu prabaṁchamu
bhāvaṁbĕlla nabhāvamugāga pāyadu karmaṁbu
daivajñulu munu naḍasi ridiyabo tappanimārgaṁbu
(||vĕlu||)
māḍalĕllam̐ gaḍamāḍalugāga māyadu malinaṁbu
kūḍaṁbulu kālagūḍaṁbugāga kŏnagĕkkadu bhavamu
sāḍum̐dṛṣhṇa lagasāḍunam̐baḍaga sāladu saukhyaṁbu
teḍagā munu pĕdda liviyabo tersinamārgaṁbu
(||vĕlu||)
guṇamulĕlla nirguṇamugāga talagūḍadu śhāṁtaṁbu
anuvuna kanuvai aṁtayum̐ dāgāga ānaṁdamu ledu
praṇudiṁpam̐ga śhrīveṁkaḍaramaṇuni bahuḽamahimĕllā
gaṇanagĕkkam̐gā purādanulu munu kaḍagaṭṭinamadamu