వెల్లవిరాయఁ బనులు వేసాలేలే
(॥పల్లవి॥)
వెల్లవిరాయఁ బనులు వేసాలేలే
గొల్లదానవా నీవు కొంక నిఁకనేఁటికే
(॥వెల్ల॥)
కన్నులతేటలు వారె కళలు మోమునమీరె
చిన్నదానవా యింకా సిగ్గులేఁటికే
చన్నులకొండలమీద చంద్రవంకలవె నిండె
కన్నెపడుచవా నీవు కప్పి దాఁచనేఁటికే
(॥వెల్ల॥)
పాలుకొనెఁ బులకలు పమ్మె సిగ్గుమొలకలు
గోలదానవా యేమి గుట్టుదాఁచేవే
తూలుచును నీకొప్పు తుమ్మిదలెల్లా బెదరె
బాలదానవా వట్టిభఁయము నీకేఁటికే
(॥వెల్ల॥)
గాఁటపు నిట్టూర్పురేఁగె కమ్మని మోవెల్లరేఁగె
నేఁటిదానవా నీవు నివ్వెరగేలే
యీటువెట్టి శ్రీవేంకటేశుఁడిదె నిన్నుఁ గూడె
మాఁటుదానవా నీకు మతకములేఁటికే
(||pallavi||)
vĕllavirāyam̐ banulu vesālele
gŏlladānavā nīvu kŏṁka nim̐kanem̐ṭige
(||vĕlla||)
kannuladeḍalu vārĕ kaḽalu momunamīrĕ
sinnadānavā yiṁkā siggulem̐ṭige
sannulagŏṁḍalamīda saṁdravaṁkalavĕ niṁḍĕ
kannĕbaḍusavā nīvu kappi dām̐sanem̐ṭige
(||vĕlla||)
pālugŏnĕm̐ bulagalu pammĕ siggumŏlagalu
goladānavā yemi guṭṭudām̐seve
tūlusunu nīgŏppu tummidalĕllā bĕdarĕ
bāladānavā vaṭṭibham̐yamu nīgem̐ṭige
(||vĕlla||)
gām̐ṭabu niṭṭūrburem̐gĕ kammani movĕllarem̐gĕ
nem̐ṭidānavā nīvu nivvĕragele
yīḍuvĕṭṭi śhrīveṁkaḍeśhum̐ḍidĕ ninnum̐ gūḍĕ
mām̐ṭudānavā nīgu madagamulem̐ṭige