వెలినుండు లోనుండు విశ్వమింతటనుండు
(॥పల్లవి॥)
వెలినుండు లోనుండు విశ్వమింతటనుండు
జలజాక్షు శరణమే సాధనము సుండీ
(॥వెలి॥)
మిక్కిలిఁ జేసే పాపమే మీఁద నరకమై తోఁచు
నిక్కి తానే అద్దములో నీదైనట్లు
వొక్కట మొదలులేక వుంటేఁ గొనాలేదు
గుక్కకిహపరములు కోరినంతే సుండీ
(॥వెలి॥)
మహిఁ దొల్లి చూచినూరే మతిలోన దోచీని
గహనపు కాఁపురమే కలయైనట్లు
సహజమై పుట్టులేక చావులేదెవ్వరికి
విహిత సుఖ దుఃఖములు వేఁడినంతే సుండీ
(॥వెలి॥)
యెండగాసే బయటనే యెక్కువ వెన్నెలగాసీ
దిండురేయిఁ బగలొక్క దినమైనట్లు
నిండు జీవుఁడు లేకుంటే నిక్కపు దేవుఁడు లేఁడు
అండ శ్రీవేంకటేశుఁడే అంతరాత్మ సుండీ
(||pallavi||)
vĕlinuṁḍu lonuṁḍu viśhvamiṁtaḍanuṁḍu
jalajākṣhu śharaṇame sādhanamu suṁḍī
(||vĕli||)
mikkilim̐ jese pābame mīm̐da naragamai tom̐su
nikki tāne addamulo nīdainaṭlu
vŏkkaḍa mŏdalulega vuṁṭem̐ gŏnāledu
gukkagihabaramulu korinaṁte suṁḍī
(||vĕli||)
mahim̐ dŏlli sūsinūre madilona dosīni
gahanabu kām̐purame kalayainaṭlu
sahajamai puṭṭulega sāvuledĕvvarigi
vihida sukha duḥkhamulu vem̐ḍinaṁte suṁḍī
(||vĕli||)
yĕṁḍagāse bayaḍane yĕkkuva vĕnnĕlagāsī
diṁḍureyim̐ bagalŏkka dinamainaṭlu
niṁḍu jīvum̐ḍu leguṁṭe nikkabu devum̐ḍu lem̐ḍu
aṁḍa śhrīveṁkaḍeśhum̐ḍe aṁtarātma suṁḍī