(॥పల్లవి॥)
వెలినుండి లోనుండి వెలితిగాకుండి
వెలి లోను పలుమారు వెదకేవె గాలి
(॥వెలి॥)
పండువెన్నెలలకునుఁ బ్రాణమగు గాలి
నిండుఁగొలఁకులలోన నెలకొన్న గాలి
బొండుమల్లె లతావిఁ బొడవైన గాలి
యెండమావులఁ బోలితేలయ్య గాలి
(॥వెలి॥)
కొమ్మావిచవికెలోఁ గొలువుండు గాలి
తమ్మికుడుకులఁ దేనె దాగేటి గాలి
యిమ్మయిన చలువలకిరవైన గాలి
కుమ్మరింపుచు వేఁడి గురిసేవె గాలి
(॥వెలి॥)
తిరువేంకటాదిపైఁ దిరమైన గాలి
సురతాంతముల జనులఁ జొక్కించు గాలి
తొరలి పయ్యదలలోఁ దూరేటి గాలి
విరహాతురులనింత వేఁచకువె గాలి
(||pallavi||)
vĕlinuṁḍi lonuṁḍi vĕlidigāguṁḍi
vĕli lonu palumāru vĕdagevĕ gāli
(||vĕli||)
paṁḍuvĕnnĕlalagunum̐ brāṇamagu gāli
niṁḍum̐gŏlam̐kulalona nĕlagŏnna gāli
bŏṁḍumallĕ ladāvim̐ bŏḍavaina gāli
yĕṁḍamāvulam̐ bolidelayya gāli
(||vĕli||)
kŏmmāvisavigĕlom̐ gŏluvuṁḍu gāli
tammiguḍugulam̐ denĕ dāgeḍi gāli
yimmayina saluvalagiravaina gāli
kummariṁpusu vem̐ḍi gurisevĕ gāli
(||vĕli||)
tiruveṁkaḍādibaim̐ diramaina gāli
suradāṁtamula janulam̐ jŏkkiṁchu gāli
tŏrali payyadalalom̐ dūreḍi gāli
virahādurulaniṁta vem̐saguvĕ gāli