(॥పల్లవి॥)
వెలయు నీకల్యాణవేదిగా మతినుండి
కలికి జవ్వనపు యాగము సేసెనతఁడు
(॥వెలయు॥)
మలయు నీనాభిహోమపు గుండమునను
నెలకొన్న విరహగ్ని నిండాఁ బోసి
పొలయు నీ నిట్టూరుపుల విసరుచును
వొలుకుఁ జెమటల నాహుతి వోసె నతఁడు
(॥వెలయు॥)
కదిసి నీనెన్నడిమి గగనమునందు
పొదలిన యారనే పొగ నిండఁగా
మదిరాక్షి నీమంచి మానపుఁ బశువు
నదనెరిఁగి వేలిచె నతివ నీకతఁడు
(॥వెలయు॥)
కాటుకకన్నుల నిన్నుఁ గడునలయించి
బూటకముల చిటిపొటి సిగ్గుల
గాఁటపుఁ గరుణ వేంకటగిరివిభుఁడు
కోటిహోమము సేసెఁ గూడి నిన్నతఁడు
(||pallavi||)
vĕlayu nīgalyāṇavedigā madinuṁḍi
kaligi javvanabu yāgamu sesĕnadam̐ḍu
(||vĕlayu||)
malayu nīnābhihomabu guṁḍamunanu
nĕlagŏnna virahagni niṁḍām̐ bosi
pŏlayu nī niṭṭūrubula visarusunu
vŏlugum̐ jĕmaḍala nāhudi vosĕ nadam̐ḍu
(||vĕlayu||)
kadisi nīnĕnnaḍimi gaganamunaṁdu
pŏdalina yārane pŏga niṁḍam̐gā
madirākṣhi nīmaṁchi mānabum̐ baśhuvu
nadanĕrim̐gi velisĕ nadiva nīgadam̐ḍu
(||vĕlayu||)
kāḍugagannula ninnum̐ gaḍunalayiṁchi
būḍagamula siḍibŏḍi siggula
gām̐ṭabum̐ garuṇa veṁkaḍagirivibhum̐ḍu
koḍihomamu sesĕm̐ gūḍi ninnadam̐ḍu