వెలఁది సింగారము వింతవింత బాగులాయ
(॥పల్లవి॥)
వెలఁది సింగారము వింతవింత బాగులాయ
చెలువపు విభుఁడవు చిత్తగించవయ్యా
(॥వెలఁది॥)
తేఁటులు పువ్వులుండిన చోటికి వచ్చుఁగాక
తేఁటులలోఁ బువ్వులెట్టు తిరమాయను
గాఁటపు చందురురాక కలువలు గోరుఁగాక
వాఁటమై చంద్రునిలోఁ గల్వలు తావుకొనునా
(॥వెలఁది॥)
చివ్వనను సంపెంగ చిగురుపై బూచుఁగాక
పువ్వుకొనఁ జిగురు దాపుగనుండునా
వువ్విళ్ళూరఁ గొండలపై నుండుఁగాక సింహము
కొవ్వు మీరి సింహము కొండలుదామోచునా
(॥వెలఁది॥)
అల మరుతేరిపైనంపపోదులుండుఁ గాక
అలరులు పొదులు తేరునఁ గలవా
బలిమి నీలానకు బంగారు గమ్యౌఁగాక
నెలవై శ్రీ వేంకటేశ నీలము గమ్యౌనా
(||pallavi||)
vĕlam̐di siṁgāramu viṁtaviṁta bāgulāya
sĕluvabu vibhum̐ḍavu sittagiṁchavayyā
(||vĕlam̐di||)
tem̐ṭulu puvvuluṁḍina soḍigi vachchum̐gāga
tem̐ṭulalom̐ buvvulĕṭṭu tiramāyanu
gām̐ṭabu saṁdururāga kaluvalu gorum̐gāga
vām̐ṭamai saṁdrunilom̐ galvalu tāvugŏnunā
(||vĕlam̐di||)
sivvananu saṁpĕṁga sigurubai būsum̐gāga
puvvugŏnam̐ jiguru dābuganuṁḍunā
vuvviḽḽūram̐ gŏṁḍalabai nuṁḍum̐gāga siṁhamu
kŏvvu mīri siṁhamu kŏṁḍaludāmosunā
(||vĕlam̐di||)
ala maruderibainaṁpaboduluṁḍum̐ gāga
alarulu pŏdulu terunam̐ galavā
balimi nīlānagu baṁgāru gamyaum̐gāga
nĕlavai śhrī veṁkaḍeśha nīlamu gamyaunā