(॥పల్లవి॥)
వెలఁది చందము లెల్లా విన్నవించితిమి నీకు
అలమేలుమంగపతి వాకెఁ జూచుకోవయ్య
(॥వెల॥)
వేరె నిన్నుఁ బాసి చెలి విరహపురవిపొంత
యీరెండలుగాసీని యేకతానను
కోరికైనఁ గేళాకూళిలోనఁ గొంతవడి
వూరేటిమైచెమటల నోలలాడీని
(॥వెల॥)
నెయ్యమున జవరాలు నీమీఁదితమకపు-
టుయ్యాలమంచముమీఁద నూఁగులాడీని
వొయ్యన నిన్ను మతిలో నూహించేచింతలనీడ
చయ్మన నీరతులకు సాముసేసీని
(॥వెల॥)
గోలయై యీసతి నిన్నుఁగూడిననిట్టూర్పుగాలి-
యాలవట్టములచేత నానందించీని
యేలితివి శ్రీవేంకటేశ యిట్టె నీ చేఁతలు
చాలుకొనఁగా నాటకసాల చూచీని
(||pallavi||)
vĕlam̐di saṁdamu lĕllā vinnaviṁchidimi nīgu
alamelumaṁgabadi vāgĕm̐ jūsugovayya
(||vĕla||)
verĕ ninnum̐ bāsi sĕli virahaburavibŏṁta
yīrĕṁḍalugāsīni yegadānanu
korigainam̐ geḽāgūḽilonam̐ gŏṁtavaḍi
vūreḍimaisĕmaḍala nolalāḍīni
(||vĕla||)
nĕyyamuna javarālu nīmīm̐didamagabu-
ṭuyyālamaṁchamumīm̐da nūm̐gulāḍīni
vŏyyana ninnu madilo nūhiṁchesiṁtalanīḍa
saymana nīradulagu sāmusesīni
(||vĕla||)
golayai yīsadi ninnum̐gūḍinaniṭṭūrbugāli-
yālavaṭṭamulaseda nānaṁdiṁchīni
yelidivi śhrīveṁkaḍeśha yiṭṭĕ nī sem̐talu
sālugŏnam̐gā nāḍagasāla sūsīni